എനിക്ക് ഭക്ഷണം വേണ്ട സാറേ.. ഒരു ചാൻസ് തരാവോ ?! സുരാജിന്റെയും ആര്യയുടെയും കണ്ണ് നിറച്ച് സ്‌നൂബർ …[വീഡിയോ കാണാം]
മഴവില്‍ മനോരമയിലെ മിമിക്രി മഹാമേളയുടെ ഓഡിഷനിടെ സനൂബര്‍ എന്ന ആര്‍ട്ടിസിറ്റ് പറഞ്ഞ വാക്കുകളാണ് ഇപ്പോൾ സോഷ്യൽ മീഡിയയിൽ വൈറൽ ആകുന്നത്. പരിപാടിയുടെ അവതാരകരായ നടന്‍ സുരാജ് വെഞ്ഞാറമ്മൂടിന്റെയും ആര്യയുടേയും വരെ കണ്ണുകളെ ഈറനണിയിക്കുന്നതായിരുന്നു സനൂബറിന്റെ വാക്കുകള്‍.
“എല്ലാവര്‍ക്കും ഭക്ഷണം കഴിക്കാനുള്ള സമയമാണ്. ഇനി ഭക്ഷണത്തിന് ശേഷമായിരിക്കും ഓഡിഷന്‍ നടക്കുക” എന്ന അനൗണ്‍സ്‌മെന്റ് മുഴങ്ങിയപ്പോൾ, “സാറേ, എനിക്ക് ഭക്ഷണം വേണ്ട ഒരു ചാന്‍സ് തരാമോ.. വര്‍ഷങ്ങളായി സാറെ ഒരു ചാന്‍സിന് വേണ്ടി നടക്കുന്നു.” എന്ന സ്നൂബാറിന്റെ വാക്കുകളാണ് എല്ലാവരുടെയും കണ്ണിനെ ഈറനണിയിച്ചിരിക്കുന്നത്.
ആലപ്പുഴ അരൂക്കുറ്റി സ്വദേശിയായ സനൂബര്‍ ഒട്ടേറെ തവണ ചാന്‍സ് ചോദിച്ച് പലയിടത്തും അലഞ്ഞിട്ടുണ്ട്. ഏകദേശം അറുപത്തിയെട്ടോളം സിനിമാ സെറ്റുകളില്‍ ചെറിയ വേഷം എങ്കിലും ചെയ്യാന്‍ അവസരം തേടി നടന്നതായി സനൂബര്‍ പറയുന്നു.
പക്ഷേ, പലരും പണം വേണമെന്ന് ആവശ്യപ്പെട്ടെന്നും അതുകൊടുക്കാന്‍ ഇല്ലാത്തത് കൊണ്ട് എല്ലായിടത്ത് നിന്നും നിറകണ്ണുകളോടെ ഇറങ്ങിവന്നിട്ടുണ്ടെന്നും അയാള്‍ പറഞ്ഞപ്പോള്‍ കാണികളും അവതാരകരായ സുരാജിന്റെയും ആര്യയുടെയും കണ്ണുനിറഞ്ഞു. മിമിക്രി മഹാമേളയുടെ ഓഡിഷന്‍ നടക്കുന്നത് അറിഞ്ഞെത്തിയതാണ് സനൂബര്‍. പലകുറി ചുണ്ടോളം എത്തിയിട്ട് തട്ടിപ്പോയത് കൊണ്ടാകണം ഭക്ഷണം പോലും വേണ്ട എനിക്ക് ഒരു വേദി തരാമോ എന്ന് ചോദിക്കാന്‍ തോന്നിയതെന്ന് സനൂബര്‍ പറഞ്ഞു.
New video from Mazhavil Manorama Mimicry Mahamela is viral