ജൂഡിന്റെ പുതിയ ചിത്രമായ 2018ന്റെ ടീസര് ലോഞ്ചിനിടെ ‘ജൂഡ് ആന്റണിയ്ക്ക് തലയില് മുടി കുറവാണെന്നേയുള്ളൂ, ബുദ്ധിമുണ്ട്’ എന്ന മമ്മൂട്ടിയുടെ വാക്കുകള് വലിയ വിമര്ശനങ്ങള്ക്ക് ആണ് വഴി തെളിച്ചത്. ജൂഡ് ആന്റണിയെ മമ്മൂട്ടി ബോഡി ഷെയ്മിംഗ് നടത്തിയെന്നായിരുന്നു ആരോപണം.
ഇതിനെല്ലാം പിന്നാലെ വിഷയത്തില് ഖേദം പ്രകടിപ്പിച്ച് മമ്മൂട്ടി കഴിഞ്ഞ ദിവസം രംഗത്തെത്തുകയും ചെയ്തിരുന്നു. പിന്നാലെ നിരവധി പേരാണ് മമ്മൂട്ടിയെ പ്രശംസിച്ച് കൊണ്ട് രംഗത്തെത്തിയത്. ഈ അവസരത്തില് നാദിര്ഷ ഫേസ്ബുക്കില് കുറിച്ച വാക്കുകളാണ് ശ്രദ്ധിക്കപ്പെടുന്നത്.
ഒരു കലാകാരന് എങ്ങനെയായിരിക്കണം പഠിപ്പിച്ചു തരുന്ന പാഠ പുസ്തകമാണ് മമ്മൂട്ടിയെന്ന് നാദിര്ഷ കുറിക്കുന്നു. മമ്മൂട്ടിുടെ ഖേദ പ്രകടന പോസ്റ്റ് പങ്കുവച്ചു കൊണ്ടായിരുന്നു നാദിര്ഷയുടെ പോസ്റ്റ്. ‘കലാകാരന് എങ്ങനെയായിരിക്കണം എന്ന് ജീവിതം കൊണ്ടും,പ്രവൃത്തികള് കൊണ്ടും,വാക്കുകള് കൊണ്ടും വീണ്ടും വീണ്ടും പഠിപ്പിച്ചു തരുന്ന പാഠ പുസ്തകം. love u my dear ikka’, എന്നാണ് നാദിര്ഷ കുറിച്ചത്. ഇക്കാര്യം ശരിവച്ച് ഒട്ടേറെ പേര് കമന്റുകളുമായി രംഗത്തെത്തുകയും ചെയ്തിട്ടുണ്ട്.
മമ്മൂട്ടിയുടെ ഫേസ്ബുക്ക് പോസ്റ്റ് ഇങ്ങനെയായിരുന്നു;
പ്രിയരെ കഴിഞ്ഞ ദിവസം ‘2018’ എന്ന സിനിമയുടെ െ്രെടലര് ലോഞ്ചിനോട് അനുബന്ധിച്ചു നടന്ന ചടങ്ങില് സംവിധായകന് ‘ജൂഡ് ആന്റണി’യെ പ്രകീര്ത്തിക്കുന്ന ആവേശത്തില് ഉപയോഗിച്ച വാക്കുകള് ചിലരെ അലോസരപ്പെടുത്തിയതില് എനിക്കുള്ള ഖേദം പ്രകടിപ്പിക്കുന്നതോടൊപ്പം ഇങ്ങനെയുള്ള പ്രയോഗങ്ങള് ആവര്ത്തിക്കാതിരിക്കുവാന് മേലില് ശ്രദ്ധിക്കുമെന്ന് ഉറപ്പു തരുന്നു.
ഓര്മ്മിപ്പിച്ച എല്ലാവര്ക്കും നന്ദി’, എന്നായിരുന്നു മമ്മൂട്ടിയുടെ ഫേസ്ബുക്ക് പോസ്റ്റ്. ഇതിന് താഴെ ‘എനിക്കാ വാക്കുകള് അഭിനന്ദനമായാണ് തോന്നിയത് മമ്മൂക്ക. എന്റെ സുന്ദരമായ തല കാരണം മമ്മൂക്ക ഖേദം പ്രകടിപ്പിക്കേണ്ടി വന്നതില് ഞാന് ഖേദം പ്രകടിപ്പിക്കുന്നു.