കോഴിക്കോട് കരിപ്പൂര്‍ വിമാനത്താവളത്തില്‍ ഉണ്ടായ വിമാനാപകടത്തിൽ രക്ഷാപ്രവര്‍ത്തനം നടത്തിയവരെ അഭിനന്ദിച്ച്‌ നടന്‍ മോഹന്‍ലാല്‍. കോവിഡിനെയും ശക്തമായ മഴയെയും വകവയ്കക്കാതെ ജനങ്ങള്‍ കൈ മെയ് മറന്ന് സഹായിക്കാന്‍ എത്തുകയായിരുന്നു
കൊവിഡിലും പ്രതികൂല കാലാവസ്ഥയിലും ജീവനുകള്‍ രക്ഷിക്കാന്‍ കിണഞ്ഞുപരിശ്രമിച്ചവരെ ഫെയ്‌സ്ബുക്ക് പോസ്റ്റിലൂടെ പ്രശംസിക്കുകയായിരുന്നു നടന്‍. അവരോട് എന്നെന്നേക്കുമായി കടപ്പെട്ടിരിക്കുന്നുവെന്നും മോഹന്‍ലാല്‍ കുറിച്ചു.
എന്നെന്നേക്കുമായി കടപ്പെട്ടിരിക്കുന്നു, മഹാമാരി സാഹചര്യത്തിലും രണ്ടാമതൊന്നാലോചിക്കാതെ കരിപ്പൂരിലും രാജമലയിലും രക്ഷാപ്രവര്‍ത്തനം നടത്തിയവര്‍ക്ക് നന്ദി. ഇത്തരത്തിലുള്ള നിസ്വാര്‍ത്ഥ നടപടികളാണ് നമ്മെ മുന്നോട്ടുനയിക്കുന്നത്. പ്രതികൂല കാലാവസ്ഥയിലും രാജമലയില്‍ രക്ഷാപ്രവര്‍ത്തകര്‍ കഴിവിന്റെ പരമാവധി ശ്രമം തുടരുകയാണ്. പരിക്കേറ്റവര്‍ക്ക് അതിവേഗ രോഗമുക്തി ആശംസിക്കുന്നു. പ്രാര്‍ത്ഥനകള്‍.
കഴിഞ്ഞ ദിവസം തന്നെ നിരവധി താരങ്ങളാണ് രക്ഷാപ്രവര്‍ത്തകര്‍ക്ക് നന്ദി പറഞ്ഞു കൊണ്ട് രംഗത്ത് എത്തിയത്. പൃഥ്വിരാജ്, കുഞ്ചാക്കോ ബോബന്‍, ഷെയ്ന്‍ നിഗം തുടങ്ങി നിരവധി താരങ്ങള്‍ സോഷ്യല്‍ മീഡിയയിലൂടെ പങ്കുവച്ചിരുന്നു.