മോഹൻലാലിനെ വിളിച്ചു കൊണ്ട് ഇവിടെ നിന്നു പോകണമെന്ന് സെറ്റിലെ പ്രൊഡക്ഷൻ മാനേജർ; കാരണം കേട്ടപ്പോൾ ഞെട്ടിത്തരിച്ച് മുകേഷ്

മോഹൻലാലിനെക്കുറിച്ചോർത്ത് തനിക്ക് അഭിമാനം തോന്നിയ നിമിഷത്തെക്കുറിച്ച് തുറന്നു പറഞ്ഞ് അടുത്ത സുഹൃത്തും സഹപ്രവർത്തകനുമായ മുകേഷ്. ഇരുവരും ഒന്നിച്ച് അഭിനയിച്ച
കാക്കക്കുയിൽ എന്ന പ്രിയദർശൻ ചിത്രത്തിനിടയിക്ക് നടന്ന സംഭവത്തെ കുറിച്ചാണ് മുകേഷ് പറയുന്നത്

ഷൂട്ടിങ്ങിന്റെ ഇടവേളയിൽ ഞാനും മോഹൻലാലും കൂടി തൊട്ടടുത്ത സെറ്റിൽ ഷൂട്ട് ചെയ്യുന്ന ഒരു തെലുങ്ക് ചിത്രത്തിന്റെ ചിത്രീകരണം കാണാൻ പോയി തെലുങ്കിലെ ഒരു സൂപ്പർ താരം അഭിനയിക്കുന്ന ചിത്രത്തിന്റെ ഷൂട്ടിംഗ് ആയിരുന്നു അവിടെ നടന്നിരുന്നത് അവിടെ പോയി സൗഹൃദം പങ്കിട്ടതിന് ശേഷം തിരിച്ചു പോരാൻ തുടങ്ങിയപ്പോൾ മോഹൻലാൽ പറഞ്ഞു, അവർ ഒരു ഷോട്ട് എടുക്കുന്നത് കണ്ടിട്ട് നമ്മുക്ക് പോകാമെന്ന്. എന്നാൽ ഒരുപാട് സമയം കാത്തു നിന്നിട്ടും അവർ ഷോട്ടെടുക്കുന്നില്ല.

അപ്പോൾ ആ സെറ്റിലെ പ്രൊഡക്ഷൻ മാനേജർ വന്നു പറഞ്ഞത്, ദയവായി താങ്കൾ മോഹൻലാലിനെ വിളിച്ചു കൊണ്ട് ഇവിടെ നിന്നു പോകണമെന്നാണ്. മോഹൻലാലിന്റെ മുന്നിൽ നിന്ന് അഭിനയിക്കാൻ ആ തെലുങ്ക് സൂപ്പർ താരത്തിന് നാണമാണ് എന്നുമാണ്. ഒരു സഹപ്രവർത്തകൻ എന്ന നിലയിലും ഒരു സുഹൃത്ത് എന്ന നിലയിലും മോഹൻലാലിനെ കുറിച്ചോർത്തു താൻ അഭിമാനം കൊണ്ട നിമിഷമായിരുന്നു അത് മുകേഷ് വ്യക്തമാക്കി .