രാജ്യത്താകെ കൊറോണ വൈറസ് പടര്ന്നു പിടിക്കുന്ന സാഹചര്യത്തില് പ്രധാനമന്ത്രി നരേന്ദ്ര മോദി
ജനതാ കര്ഫ്യൂ ആചരിക്കണമെന്ന് ആഹ്വനം ചെയ്തിരുന്നു.
മോദിയുടെ ആഹ്വാനത്തെ പിന്തുണച്ച് നടന് മോഹന്ലാല്. സമൂഹവ്യാപനം എന്ന മാരകഘട്ടം നമുക്ക് ഒട്ടക്കെട്ടായി മറികടന്നേ തീരൂ. ഒരു വലിയ വിപത്തിന്റെ വ്യാപനം തടയാന്, രാജ്യത്തിന്റെ ആരോഗ്യപൂര്ണമായ ഭാവിക്ക് വേണ്ടി ജനതാകര്ഫ്യൂവിന്റെ ഭാഗമാകാന് ഞാന് നിങ്ങളെ ക്ഷണിക്കുന്നുവെന്ന് സോഷ്യൽ മീഡിയയിൽ പങ്കുവെച്ച വീഡിയോയിൽ പറയുന്നു
‘ലോകത്തെ സ്തംഭിപ്പിച്ച് കോവിഡ്-19 ഇന്ത്യയില് അടുത്ത ഘട്ടത്തിന്റെ പടിവാതില്ക്കലിലാണ്. സമൂഹവ്യാപനം എന്ന മാരകഘട്ടം നമുക്ക് ഒട്ടക്കെട്ടായി മറികടന്നേ തീരൂ. ഇതിനായി ജനങ്ങളെ സ്വയം സജ്ജരാകാന് മാര്ച്ച് 22 ന് ജനത കര്ഫ്യൂ പ്രധാനമന്ത്രി ആഹ്വാനം ചെയ്തിരിക്കുകയാണ്. നമ്മുടെ മുഖ്യമന്ത്രിയും അതിന് പിന്തുണ നല്കിയിരിക്കുകയാണ്. രാവിലെ 7 മുതല് രാത്രി 9 വരെ പുറത്തിറങ്ങാതെ നമുക്കും ഈ ജനജാഗ്രത കര്ഫ്യൂവിന്റെ ഭാഗമാകാം. ഒരു വലിയ വിപത്തിന്റെ വ്യാപനം തടയാന്, രാജ്യത്തിന്റെ ആരോഗ്യപൂര്ണമായ ഭാവിക്ക് വേണ്ടി ജനതാകര്ഫ്യൂവിന്റെ ഭാഗമാകാന് ഞാന് നിങ്ങളെ ക്ഷണിക്കുന്നു”- മോഹന്ലാല് പറഞ്ഞു.
ജനതാ കര്ഫ്യൂവിന് പിന്തുണയുമായി സിനിമാ രംഗത്ത് നിന്ന് മമ്മൂട്ടി, കമല് ഹാസന്, അനുഷ്ക ശര്മ, ഷാരൂഖ് ഖാന്, അമിതാഭ് ബച്ചന്, ഹൃത്വിക് റോഷന്, അക്ഷയ് കുമാര്, ജയസൂര്യ, ഉണ്ണിമുകുന്ദന്, അജു വര്ഗീസ്, സൈജു കുറുപ്പ് തുടങ്ങി ഒട്ടനവധി പേരാണ് രംഗത്ത് വന്നത്.
mohanlal