ലോക്‌സഭാ തെരഞ്ഞടുപ്പ് ഫലത്തിൻ്റെ ആദ്യ സൂചനകൾ പുറത്തുവന്ന് തുടങ്ങിയിരിക്കുകയാണ്. അന്തിമ ഫലം അറിയാൻ മണിക്കൂറുകൾ മാത്രമാണ് ബാക്കിയുള്ളത്. തെരഞ്ഞെടുപ്പ് ഫലത്തിൻ്റെ ആദ്യ സൂചനകൾ ചൂടു പിടിക്കുന്നതിനിടെ മമതാ ബാനര്‍ജി പിയാനോ വായിക്കുന്ന വീഡിയോ വൈറലാകുകയാണ്.
മമതാ ബാനർജി തന്നെയാണ് വീഡിയോ സമൂഹ മാധ്യമങ്ങളിൽ പങ്കു വെച്ചത്. ഈ വീഡിയോ ഇപ്പോൾ സോഷ്യൽ മീഡിയയിൽ വലിയ രീതിയിൽ ചർച്ചയായിരിക്കുന്നത്. ഇത് തൻ്റെ മാതൃരാജ്യത്തിനായുള്ള പ്രാർത്ഥനയാണെന്നും ഈ ഗാനം ഭൂമിദേവിക്കും അമ്മയ്ക്കും ജനങ്ങൾക്കുമായി സമർപ്പിക്കുമെന്നും മമത ബാനര്‍ജി വ്യക്തമാക്കി.
പശ്ചിമ ബംഗാളിലെ തെരഞ്ഞെടുപ്പ് രാജ്യം ഉറ്റു നോക്കുന്ന സംസ്ഥാനങ്ങളിൽ ഏറെ പ്രധാനപ്പെട്ടതാണ്. തെരഞ്ഞടുപ്പിൻ്റെ പ്രചാരണത്തിൽ പലഘട്ടങ്ങളിലും ബംഗാൾ മുഖ്യമന്ത്രി മമതാ ബാനർജിയും പ്രധാനമന്ത്രി നരേന്ദ്രമോദിയും തമ്മിലുള്ള നേരിട്ട ഏറ്റുമുട്ടലായി മാറിയിരുന്നു. തെരഞ്ഞടുപ്പിനോട് അനുബന്ധിച്ച് ബംഗാളിൽ വൻ തോതിലുള്ള ആക്രമണവും അരങ്ങേറിയിരുന്നു.
Mamtha Banargee play pianoon election result day…