മലയാളക്കരയ്ക്ക് സുപരിചിതമായ ട്രാന്‍സ് കപ്പിള്‍സാണ് ഹൃത്വിക്കും തൃപ്തിയും. സൂര്യക്കും ഇഷാനും പിന്നാലെ ചരിത്രം കുറിച്ച വിവാഹം ആയിരുന്നു ഇരുവരുടെയും. തിരുവനന്തപുരം സ്വദേശിയായ ഹൃത്വിക്കും മഞ്ചേശ്വരം സ്വദേശിയായ തൃപ്തി ഷെട്ടിയും ആലുവ ശ്രീ പെരുമ്പിള്ളി ഭഗവതി ക്ഷേത്രത്തില്‍ വച്ച് ഒരു വര്‍ഷം മുമ്പാണ് വിവാഹിതരായത്. ചെറുപ്പത്തില്‍ തന്നെ അച്ഛനും അമ്മയും നഷ്ടമായ തൃപ്തിയെ ഹൃത്വിക്കിന് അമ്മയുടെ സ്ഥാനത്ത് നിന്ന് കൈ പിടിച്ചുകൊടുത്തത് രഞ്ജു രഞ്ജിമാര്‍ ആയിരുന്നു. സോഷ്യല്‍ മീഡിയയില്‍ സജീവമായ ഇവര്‍ പങ്കിടാറുള്ള ചിത്രങ്ങളെല്ലാം തന്നെ വൈറലാകാറുണ്ട്. എന്നാല്‍ കഴിഞ്ഞ കുറച്ചു ദിവസമായി ഇവര്‍ക്കൊപ്പം ഒരു കുഞ്ഞിനെ കൂടി കണ്ടതോടെ അത് ആരാണ് എന്നുള്ള ചോദ്യമാണ് സോഷ്യല്‍ മീഡിയയില്‍ ഉയരുന്നത്.
തങ്ങള്‍ക്ക് സ്വന്തമായി ഒരു വീട് വേണം. രണ്ട് കുട്ടികള്‍ വേണം. ദത്തെടുക്കണം, അവര്‍ക്ക് വിദ്യാഭ്യാസം നല്‍കണം. പ്രസവിക്കാന്‍ കഴിയില്ലെന്നേ ഉള്ളൂ. ഒരമ്മയുടെ വാല്‍സല്യം നല്‍കണം എന്ന തൃപ്തിയുടെ ആഗ്രഹം സഫലമായോ എന്നാണ് എല്ലാവരും ചോദിക്കുന്നത്. ഇതിന് മറുപടിയുമായി എത്തിയിരിക്കുകയാണ് ഹൃതിക്.
ഞങ്ങളുടെ കുഞ്ഞോ, ദത്തെടുത്തതോ അല്ല, ഇത് ഞങ്ങളുടെ ഒരു സുഹൃത്തിന്റെ മകള്‍ ആണ്. പകല്‍ സമയം മുഴുവനും ഞങ്ങള്‍ക്ക് ഒപ്പം ഇവള്‍ ഉണ്ടാകും. വൈകുന്നേരം അവളെ കൊണ്ടുപോകും. പകല്‍ ഞങ്ങള്‍ ആണ് അവളുടെ പപ്പയും മമ്മയും എന്ന് ഹൃത്വിക്ക് പറയുമ്പോള്‍ നിരവധി അഭിപ്രായങ്ങളും ആരാധകര്‍ പങ്ക് വയ്ക്കുന്നുണ്ട്. ഹൃതിക് ലാസ്റ്റ് ദുഖിക്കാന്‍ ഇടവരരുതെന്ന് എന്നൊരാള്‍ പറയുമ്പോള്‍ ശരിയാണ് എല്ലാവരും പറയുന്നുണ്ട്. പിന്നെ എല്ലാം ദൈവത്തിന്റെ കൈയ്യില്‍ എന്നാണ് ഹൃതിക് പറഞ്ഞത്.
about trans couple hridik and deepti