ബേസില്‍ ജോസഫിന്റെ ‘മിന്നല്‍ മുരളി സ്പെഷല്‍ ആക്ഷന്‍ സോങ്’ വിഡിയോ പുറത്തു വിട്ട് ടൊവീനോ തോമസ്. റിലീസിനൊരുങ്ങുന്ന ചിത്രത്തിലെ ‘തീ മിന്നല്‍’ ഗാനം പാടി അഭിനയിക്കുന്ന ബേസിലിന്റെ വിഡിയോയാണ് ടൊവീനോ പങ്കുവച്ചത്. ആക്ഷന്‍ സോങ്, ചെസ്റ്റ് നമ്പര്‍ 16, ബേസില്‍ ജോസഫ്, ക്ലാസ് 7ബി’ എന്ന അടിക്കുറിപ്പോടെ ടൊവീനോ പങ്കുവച്ച വിഡിയോ ആരാധകര്‍ ഏറ്റെടുത്തിരിക്കുകയാണ്.
ഈ വിഡിയോയ്ക്ക് ലഭിക്കുന്ന പ്രതികരണം വിലയിരുത്തിയാകും ഈ സീരീസിലെ അടുത്ത വിഡിയോ പുറത്തിറക്കുകയെന്നും ടൊവീനോ പറയുന്നു.
രസകരമായ കമന്റുകളാണ് ബേസിലിന്റെ ‘തീ മിന്നല്‍’ ആക്ഷന്‍ സോങ്ങിനു വന്നുകൊണ്ടിരിക്കുന്നത്്. ചതിച്ചതാ, ‘ബേസിലിന് കുഞ്ഞുങ്ങളുടെ മനസാ’ എന്നിങ്ങനെയാണ് വിഡിയോയ്ക്ക് ലഭിക്കുന്ന കമന്റുകള്‍. സുഷിന്‍ ശ്യാമാണ് മിന്നല്‍ മുരളിയിലെ തീ മിന്നല്‍ ഗാനത്തിന് ഈണമൊരുക്കിയത്. മനു മഞ്ജിത്തിന്റേതാണ് വരികള്‍. സുഷിനും മര്‍ത്യനും ചേര്‍ന്ന് ആലപിച്ചിരിക്കുന്ന ഗാനം ട്രെന്‍ഡിംഗിലാണ്.