സംഗീതസംവിധായകന് ആയ ജയ്സണ് ജെ നായരെ ആക്രമിച്ച സംഭവത്തില്, സംഘത്തിലുണ്ടായിരുന്ന ഒരാളെ അറസ്റ്റ് ചെയ്തതായി പോലീസ്. വൈക്കം മുച്ചയൂര്കാവ് സ്വദേശി അര്ജുനാണ് (18) പിടിയിലായത്.
അക്രമി സംഘത്തിലെ മറ്റ് രണ്ടുപേര് പ്രായപൂര്ത്തിയാകാത്തവരാണെന്നും പൊലീസ് അറിയിച്ചു. പ്രതികള് അക്രമിക്കാന് ഉപയോഗിച്ച വാക്കത്തിയും പൊലീസ് കണ്ടെത്തി.
തന്നെ അക്രമിച്ചതിനെക്കുറിച്ച് ജയ്സണ് സമൂഹ മാധ്യമങ്ങിലൂടെ പോസ്റ്റും പങ്കുവെച്ചിരുന്നു. ചൊവ്വാഴ്ച രാത്രികല്ലറ – ഇടയാഴം റോഡില് രാത്രി കാറില് സഞ്ചരിക്കവെയാണ് മൂന്നംഗ സംഘം ജയ്സണ് ജെ.നായരെ ആക്രമിച്ചത്.
അക്രമികള് വാളെടുത്ത് വീശുകയും മുഖത്ത് മര്ദ്ദിക്കുകയും ചെയ്തുവെന്ന് അദ്ദേഹം പറഞ്ഞു. അദ്ദേഹം പങ്കുവെച്ച പോസ്റ്റ് സോഷ്യല് മീഡിയയില് വൈറലായിരുന്നു.