യുണൈറ്റഡ് അറബ് എമിറേറ്റ്സില്‍ (യുഎഇ) നിന്ന് ലഭിക്കുന്ന ഗോള്‍ഡന്‍ വിസ സ്വീകരിച്ച് തമിഴ് നടനും ചലച്ചിത്ര നിര്‍മ്മാതാവുമായ ആര്‍.പാര്‍ത്ഥിപന്‍.
യുഎഇയുടെ ഫെഡറല്‍ അതോറിറ്റി ഫോര്‍ ഐഡന്റിറ്റി ആന്റ് സിറ്റിസണ്‍ഷിപ്പ് അധികൃതരാണ് ദേശീയ അവാര്‍ഡ് ജേതാവായ ചലച്ചിത്ര നിര്‍മ്മാതാവിന് ആദരണീയമായ അംഗീകാരം സമ്മാനിച്ചത്.
തനിക്ക് വിസ അനുവദിച്ചതിന് ദുബായ് സര്‍ക്കാരിനോട് പാര്‍ത്ഥിന്‍ നന്ദി അറിയിച്ചു.
നേരത്തെ മലയാള സിനിമയിലെ സൂപ്പര്‍താരങ്ങളായ മോഹന്‍ലാലും മമ്മൂട്ടിയും, ടൊവിനോ തോമസ്, ബോളിവുഡ് താരങ്ങളായ ഷാരൂഖ് ഖാന്‍, സഞ്ജയ് ദത്ത്, ബോണി കപൂര്‍, ഫറാ ഖാന്‍, സുനില്‍ ഷെട്ടി, തുഷാര്‍ കപൂര്‍ എന്നിവര്‍ക്കും ഗോള്‍ഡന്‍ വിസ ലഭിച്ചിട്ടുണ്ട്.