ബി ഉണ്ണികൃഷ്ണന്റെ സംവിധാനത്തില് മോഹന്ലാല് നായകനായി എത്തിയ ചിത്രമായിരുന്നു ആറാട്ട്. സിനിമയുടെ റിലീസിംഗ് ദിവസം തിയേറ്റര് റിവ്യൂ പറയാന് വിവിധ ഓണ്ലൈന് മാധ്യമങ്ങളുടെ മുന്നിലെത്തി ട്രോളുകള് ഏറ്റു വാങ്ങി വൈറലായ ആരാധകനാണ് സന്തോഷ് വര്ക്കി. ചിത്രം പുറത്തിറങ്ങിയ ആദ്യ ദിവസമായ ഫെബ്രുവരി 18ന് തന്നെ ഈ മോഹന്ലാല് ആരാധകന് സോഷ്യല് മീഡിയയില് വൈറലായി മാറുകയായിരുന്നു.
ഇപ്പോഴിതാ ഈ ട്രോളുകളോട് പ്രതികരിച്ചിരിക്കുകയാണ് സന്തോഷ്. ആറാട്ടില് തനിക്ക് മോഹന്ലാലിന്റെ അഭിനയം ഇഷ്ടപ്പെട്ടെന്നും ചെറുപ്പം മുതല് താന് ലാലേട്ടന് ആരാധകനാണെന്നും പറയുകയാണ് സന്തോഷ്. മോഹന്ലാല് സിനിമകള്ക്ക് നേരെ നടക്കുന്ന ഡീഗ്രേഡിംഗിനെ കുറിച്ചും സന്തോഷ് പറയുന്നുണ്ട്.
ആറാട്ടിന് മാത്രമല്ല, അടുത്തകാലത്തിറങ്ങിയ മോഹന്ലാലിന്റെ പല സിനിമകള്ക്കെതിരെയും ഡീഗ്രേഡിങ് നടക്കുന്നുണ്ട്. ഒടിയന് മുതല്. അത് എന്താണെന്ന് മനസിലാവുന്നില്ല. തനിക്ക് തോന്നുന്നു, പുള്ളി ഒരു ആര്എസ്എസുകാരനാണോ ബിജെപിക്കാരനാണോ അങ്ങനെയുള്ള ചിന്തയില് നിന്നാണ് ഇത് വരുന്നത് എന്ന്. നരേന്ദ്രമോദിയെ പുള്ളിക്ക് ഇഷ്ടമാണെന്ന് തോന്നുന്നു. പക്ഷെ പുള്ളിക്ക് അങ്ങനെ കക്ഷി രാഷ്ട്രീയമൊന്നുമില്ല എന്നാണ് സന്തോഷ് പറയുന്നത്.