ബോളിവുഡിലെ സ്റ്റൈല് ഐക്കനാണ് നടി മലൈക അറോറ. താരത്തിന്റെ ലുക്കുകളെല്ലാം വാര്ത്തയില് നിറയാറുണ്ട്. കഴിഞ്ഞ ദിവസം ഫര്ഹാന് അക്തറിന്റേയും ഷിബാനി ദണ്ഡേക്കറുടേയും വിവാഹസല്കാരത്തിന് ധരിച്ച മലൈകയുടെ വസ്ത്രം വലിയ വിമര്ശനങ്ങള്ക്ക് കാരണമായിരുന്നു.
ഇപ്പോഴിതാ ഈ വിമര്ശനങ്ങള്ക്ക് മറുപടിയുമായി എത്തിയിരിക്കുകയാണ് താരം. ബ്ലാക് ഷീര് ഗൗണ് ധരിച്ചാണ് മലൈക എത്തിയത്. ഇതിന്റെ വിഡിയോയും ചിത്രങ്ങളും പ്രചരിച്ചതോടെ വന് വിമര്ശനമാണ് താരത്തിന് നേരിടേണ്ടിവന്നത്.
ഇത്തരം വസ്ത്രം ധരിക്കാന് നാണില്ലേ എന്നും സ്വന്തം പ്രായമെങ്കിലും പരിഗണിച്ചു കൂടെ എന്നുമുള്ള തരത്തില് നിരവധി കമന്റുകളെത്തി. തുടര്ന്നാണ് ഒരു മാധ്യമത്തിന് നല്കിയ അഭിമുഖത്തില് ഇതിനെതിരെ താരം രൂക്ഷമായി പ്രതികരിച്ചത്. ആളുകളുടെ കപടനാട്യവും ഇരട്ടത്താപ്പുമാണ് ഇതിലൂടെ വ്യക്തമാകുന്നത് എന്നാണ് മലൈക പറഞ്ഞത്.