കൊല്ലത്ത് ഭര്തൃപീഡനത്തെ തുടര്ന്ന് യുവതിയെ മരിച്ച നിലയില് കണ്ടെത്തിയ സംഭവത്തില് പ്രതികരണവുമായി വിസ്മയ. വിസ്മയയുടെ ചിത്രത്തിനൊപ്പം ഇന്ന് നീ നാളെ എന്റെ മകള് എന്ന കുറിപ്പോടെയാണ് ജയറാമിന്റെ പ്രതികരണം. ഇതിനോടകം തന്നെ നിരവധി പേരാണ് വിസമയുടെ മരണത്തില് പ്രതികരണമറിയിച്ച് എത്തിയത്.
തിങ്കളാഴ്ചയാണ് വിസ്മയയെ ഭര്ത്താവിന്റെ വീട്ടില് തൂങ്ങിമരിച്ച നിലയില് കണ്ടെത്തിയത്. മോട്ടോര് വാഹന വകുപ്പ് ഉദ്യോഗസ്ഥനായ കിരണുമായി 2020 മാര്ച്ചിലായിരുന്നു വിസ്മയയുടെ വിവാഹം. ഭര്ത്താവ് നിരന്തരമായി തന്നെ മര്ദ്ദിച്ചിരുന്നെന്ന് നേരത്തെ വിസ്മയ ബന്ധുക്കള്ക്ക് സന്ദേശമയച്ചിരുന്നു. മര്ദ്ദനമേറ്റ ശരീരത്തിലെ മുറിവുകളുടെ ദൃശ്യങ്ങളും വിസ്മയ കൈമാറിയിരുന്നു.
ചിത്രങ്ങളില് വിസ്മയയുടെ കൈയ്യിലും കാലിലും അടക്കം മര്ദ്ദനമേറ്റപാടുകളുണ്ട്. ഈ സന്ദേശം ലഭിച്ച് മണിക്കൂറുകള്ക്ക് ശേഷമാണ് വിസ്മയയെ ഭര്തൃഗൃഹത്തില് തൂങ്ങി മരിച്ച നിലയില് കണ്ടെത്തിയത്. വിസ്മയയുടെ മരണവുമായി ബന്ധപ്പെട്ട കേസില് ഭര്ത്താവ് കിരണ്കുമാറിന്റെ അറസ്റ്റ് രേഖപ്പെടുത്തി. വിസ്മയയുടെ മരണവുമായി ബന്ധപ്പെട്ട് കഴിഞ്ഞ ദിവസമാണ് കിരണ്കുമാറിനെ പോലീസ് കസ്റ്റഡിയിലെടുത്തത്. തുടര്ന്ന് മണിക്കൂറുകളോളം ചോദ്യം ചെയ്ത ശേഷം ചൊവ്വാഴ്ച രാവിലെ അറസ്റ്റ് രേഖപ്പെടുത്തുകയായിരുന്നു.
അസി. മോട്ടോര് വെഹിക്കിള് ഇന്സ്പെക്ടര് കൂടിയായ കിരണ്കുമാറിനെതിരെ ഗാര്ഹിക പീഡന നിരോധന നിയമപ്രകാരമുള്ള കുറ്റം ചുമത്തുമെന്ന് പോലീസ് പറഞ്ഞു. പോസ്റ്റുമോര്ട്ടം റിപ്പോര്ട്ട് ലഭിക്കുന്ന മുറയ്ക്ക് മറ്റു വകുപ്പുകള് ചുമത്തുന്നത് പരിശോധിക്കാനാണ് പൊലീസ് നീക്കം. സംഭവത്തില് വനിതാ കമ്മീഷനും സ്വമേധയാ കേസെടുത്തിട്ടുണ്ട്.