വളരെ കുറച്ച് ചിത്രങ്ങളിലൂടെ തന്നെ മലയാളികളുടെ പ്രിയങ്കരിയായി മാറിയ താരമാണ് ഗായത്രി സുരേഷ്. എന്നാല്‍ ഇടയ്ക്കിടെ താരം സോഷ്യല്‍ മീഡിയ ട്രോളുകളില്‍ നിറയാറുണ്ട് താരം. അടുത്തിടെ കാര്‍ അപകടത്തില്‍പ്പെട്ടതും പ്രണവ് മോഹന്‍ലാലിനെ വിവാഹം ചെയ്യണം എന്നു പറഞ്ഞതുമെല്ലാം തന്നെ ട്രോളന്മാര്‍ ഏറ്റെടുത്തിരുന്നു.
പിന്നാലെ ട്രോളുകള്‍ നിരോധിക്കണമെന്ന് മുഖ്യമന്ത്രിയോട് ആവശ്യപ്പെട്ട് ഗായത്രി രംഗത്തെത്തിയിരുന്നു. ഇതോടെ നടിയെ ‘ജൂനിയര്‍ കങ്കണ’ എന്ന് സോഷ്യല്‍ മീഡിയ വിളിക്കാറുണ്ട്. ഈ വിളിയോട് പ്രതികരിച്ചിരിക്കുകയാണ് ഗായത്രി ഇപ്പോള്‍.
ജൂനിയര്‍ കങ്കണയെന്ന് തന്നെ പലരും വിളിക്കാറുണ്ട്. അത്രയ്ക്ക് ഓണ്‍ ദ ഫേസായി താന്‍ പറയാറില്ല. കുറച്ച് ലാഘവത്തോടെയാണ് താന്‍ പറയാറുള്ളത്. കങ്കണ കുറച്ചൂടെ സ്ട്രെയ്റ്റ് ഫോര്‍വേഡായുമൊക്കെയല്ലേ പറയാറ്. തനിക്ക് ഇഷ്ടമുള്ള നടിയാണ് കങ്കണ.
നല്ല ഫാഷന്‍ സെന്‍സും ഡ്രസിംഗ് സെന്‍സുമൊക്കെയാണ് അവരുടേത് എന്നാണ് ഗായത്രി പറയുന്നത്. തന്നെ കുറിച്ച് ചില തെറ്റായ വാര്‍ത്തകള്‍ പ്രചരിക്കുന്നുണ്ട്. പ്രണവ് മോഹന്‍ലാലിന്റെ കാര്യം താന്‍ പറഞ്ഞതാണ്. ആക്സിഡന്റ് ഉണ്ടായതാണ്. അതൊക്ക ഉള്ള കാര്യമാണ് എന്നും ഗായത്രി പറയുന്നു.
അതേസമയം, പരിഹസിക്കപ്പെടല്‍ ഒരു ട്രെന്‍ഡ് ആയപ്പോഴാണ് ട്രോളുകള്‍ നിരോധിക്കണം എന്ന് താന്‍ മുഖ്യമന്ത്രിയോട് അഭ്യര്‍ത്ഥിച്ചത് എന്നാണ് ഗായത്രി പറയുന്നത്. പരിഹസിക്കുന്നവരല്ല നമുക്ക് വേണ്ടതെന്നും നല്ലോണം പൊക്കിപ്പറയുന്ന, ഇന്‍സ്പെയര്‍ ചെയ്യുന്ന ഒരു ജനതയെയാണ് നമുക്ക് വേണ്ടത് എന്നാണ് ഗായത്രി പറയുന്നത്.