നിരവധി നല്ല ഗാനങ്ങളിലൂടെ മലയാളികളുടെ പ്രിയപ്പെട്ട ഗായകനായി മാറിയ വിധു പ്രതാപിന് ആരാധകര് ഏറെയാണ്. സിനിമ പിന്നണി ഗാന രംഗത്തും സ്റ്റേജ് ഷോകളിലുമായി മലയാളികളുടെ മനസിലേയ്ക്ക് ചേക്കേറാന് വിധുവിന് അധികം കാലതാമസം ഒന്നും വേണ്ടി വന്നില്ല. സോഷ്യല് മീഡിയകളിലും താരം സജീവമാണ്.വിധുവും, ഭാര്യയും നര്ത്തകിയുമായ ദീപ്തിയും ഒന്നിച്ചുള്ള ടിക് ടോക്ക് വീഡിയോകളും സോഷ്യല് മീഡിയകളില് വൈറലാണ്.
ആലാപനം മാത്രമല്ല, തനിക്ക് അഭിനയം കൂടി വഴങ്ങും എന്ന് തെളിയിക്കുന്ന തരത്തിലുള്ള വീഡിയോകളും വിധു പങ്ക് വച്ചിട്ടുണ്ട്. ടിക് ടോക് ബാന് ചെയ്യുന്നത് വരെ അവിടെയും താരം സജീവം ആയിരുന്നു. 2008 ഓഗസ്റ്റ് 20ന് ആയിരുന്നു വിധുവിന്റെയും ദീപ്തിയുടെയും വിവാഹം. എന്നാല് ഇപ്പോഴിതാ തന്റെ ആദ്യ പ്രണയത്തിന്റെ രസകരമായ ഓര്മ്മകള് പങ്കുവെയ്ക്കുകയാണ് വിധു പ്രതാപ്. ആദ്യ പ്രണയം എല്ലാവര്ക്കും വളരെ അമൂല്യവും പരിശുദ്ധവുമൊക്കെ ആയിരിക്കുമല്ലോ. എന്റേതും മനോഹരമായ പ്രണയമായിരുന്നു. പത്താം ക്ലാസ് വരെ ബോയ്സ് സ്കൂളില് ആണ് ഞാന് പഠിച്ചത്. പ്രീഡിഗ്രി കാലമെത്തിയതോടെ മിക്സഡ് കോളജില് ചേര്ന്നു.
അവിടെ വച്ചാണ് ആദ്യാനുരാഗം തളിരിട്ടത്. ഞാന് പ്രീഡിഗ്രി രണ്ടാം വര്ഷ വിദ്യാര്ഥിയും അവള് ആദ്യവര്ഷ വിദ്യാര്ഥിയുമായിരുന്നു. അങ്ങനെ ഞങ്ങള് കുറച്ചു കാലം പ്രണയിച്ചു. പക്ഷേ ഞാന് പ്രീഡിഗ്രി കഴിഞ്ഞു ഡിഗ്രിക്കു ചേരുന്നതിന്റെ ഇടയിലുള്ള സമയത്ത് മറ്റൊരുത്തനുമായി അവള് ഇഷ്ടത്തിലായി. എപ്പോഴും അവള്ക്കൊപ്പം നടന്നിരുന്ന ഒരു പയ്യന് തന്നെയായിരുന്നു അത്. അങ്ങനെ അവള് എന്നെ ഉപേക്ഷിച്ച് അവനൊപ്പം പോയി’
പ്രണയം പരാജയപ്പെട്ടപ്പോള് വിഷമം തോന്നിയില്ലേ എന്ന് വിധുവിനോട് ചോദിച്ചപ്പോള് ഒരു മണിക്കൂര് മാത്രമേ വിഷമിച്ചിരുന്നുള്ളൂ എന്നായിരുന്നു വിധു പറഞ്ഞത്. മാത്രമല്ല, വീടിന്റെ തൊട്ടടുത്തുള്ള വീട്ടില് വാടകയ്ക്കു താമസിക്കാന് പുതിയ ആളുകള് വരികയും അക്കൂട്ടത്തിലുണ്ടായിരുന്ന പെണ്കുട്ടിയെ കണ്ടപ്പോള് പഴയ സങ്കടം എല്ലാം മാറിയെന്നും വിധു പറഞ്ഞു.