കര്ഷക സമരത്തെ പിന്തുണ പ്രഖ്യാപിച്ച് രംഗത്ത് വന്ന പോപ് താരം റിഹാനയ്ക്കെതിരെ അണി നിരന്ന പ്രമുഖരെ വിമര്ശിച്ച് ബോളിവുഡ് നടി തപ്സി രംഗത്തെത്തിയിരുന്നു. ‘ഒരു ട്വീറ്റ് നിങ്ങളുടെ അഖണ്ഡതയെ തകരാറിലാക്കുന്നുണ്ടെങ്കില്, ഒരു ഷോ നിങ്ങളുടെ മതവിശ്വാസത്തെ അലോസരപ്പെടുത്തുന്നുണ്ടെങ്കില്, ബലപ്പെടുത്തേണ്ടത് നിങ്ങളുടെ മൂല്യവ്യവസ്ഥയെയാണ് എന്നും തപ്സി കുറിച്ചു.
ഇപ്പോഴിതാ നടിയുടെ നിലപാടിനെ പിന്തുണച്ച് സംവിധായകന് മിഥുന് മാനുവല് തോമസ് നടത്തിയ പ്രതികരണവും ശ്രദ്ധേയമാകുകയാണ് ‘അതായത് ഉത്തമാ.. തിരിയുന്നോന് തിരിയും, അല്ലാത്തോന് പതിവ് പോലെ നട്ടം തിരിയും,’ എന്ന രസകരമായ അടിക്കുറിപ്പോടെയാണ് മിഥുന് തപ്സിയുടെ ട്വീറ്റ് സമൂഹമാധ്യമങ്ങളില് പങ്കുവച്ചത്.
അക്ഷയ് കുമാര്, അജയ് ദേവ്ഗണ്, സുനില് ഷെട്ടി, സംവിധായകന് കരണ് ജോഹര്, ഗായകന് കൈലാഷ് ഖേര് തുടങ്ങിയവരും സച്ചിന്, വിരാട് കോഹ്ലി തുടങ്ങിയ കായികതാരങ്ങളും കേന്ദ്ര സര്ക്കാരിന്റെ നിലപാടിന് പിന്തുണ അറിയിച്ച് രംഗത്തെത്തിയിരുന്നു.