കോവിഡ്‌ന്റെ രണ്ടാം തരംഗത്തില്‍ രാജ്യം മുഴുവന്‍ വിറങ്ങലടിച്ച് നില്‍ക്കുകയാണ്. രാജ്യം പ്രതിസന്ധിയിലൂടെ കടന്നു പോകുമ്പോള്‍ നിരവധി പേരാണ് രോഗബാധ മൂലവും പട്ടിണി മൂലവും ദുരിതമനുഭവിക്കുന്നത്.
ഇപ്പോഴിതാ മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു ലക്ഷം സംഭാവന ചെയ്തിരിക്കുകയാണ് നടി ഐശ്വര്യ രാജേഷ്.
കോവിഡ് പ്രതിസന്ധിയെ നേരിടാന്‍ സംസ്ഥാന സര്‍ക്കാരിനെ സഹായിക്കണമെന്ന് മുഖ്യമന്ത്രി ജനങ്ങളോട് അഭ്യര്‍ത്ഥിച്ചിരുന്നു. തുടര്‍ന്ന് താരങ്ങള്‍ സംഭാവനയുമായി രംഗത്ത് എത്തിയിരുന്നു.
അജിത്ത് കുമാര്‍ 25 ലക്ഷം രൂപയാണ് സംഭാവന ചെയ്തത്. ബാങ്ക് ട്രാന്‍സ്ഫര്‍ വഴി 25 ലക്ഷം രൂപ സംഭാവന നല്‍കിയിരുന്നുവെന്ന് അജിത്തിന്റെ മാനേജര്‍ സുരേഷ് ചന്ദ്രയാണ് അറിയിച്ചത്.
ഓക്‌സിജന്‍ കിട്ടാതെ ആള്‍ക്കാര്‍ മരിക്കുന്നുവെന്ന വാര്‍ത്തകള്‍ തമിഴ്‌നാട്ടില്‍ നിന്നുണ്ടായിരുന്നു.