ഏറെ പ്രേക്ഷക പ്രീതി സ്വന്തമാക്കിയ ഫഹദ് ഫാസില് ചിത്രമായിരുന്നു ജോജി. ആമസേണ് പ്രൈമിലൂടെ റിലീസ് ചെയ്ത ചിത്രത്തിന് അഭിനന്ദന പ്രവാഹമാണ്.
ഇപ്പോഴിതാ ചിത്രത്തെ പ്രശംസിച്ച് രംഗത്തെത്തിയിരിക്കുകയാണ് സംവിധായകന് അല്ഫോന്സ് പുത്രന്. ഫേസ്ബുക്കിലൂടെയായിരുന്നു അദ്ദേഹത്തിന്റെ പ്രതികരണം.
ജോജി- ദിലീഷ് പോത്തന്റെ മൂന്നാമത്തെ അപ്ഗ്രേഡ്. ജോജി- ക്ലാസ്സിക്ക് എന്നതിന്റെ ക്ലാസ്സിക്ക് ഉദ്ദാഹരണം. എല്ലാ അഭിനേതാക്കളോടും മറ്റ് അണിയറപ്രവര്ത്തകരോടും സ്നേഹവും ബഹുമാനവും എന്നാണ് അദ്ദേഹം കുറിച്ചത്.
വില്യം ഷേക്സ്പിയറിന്റെ ‘മാക്ബത്തി’ല് നിന്ന് പ്രചോദനം ഉള്ക്കൊണ്ടാണ് ജോജിയുടെ തിരക്കഥ ഒരുക്കിയിരിക്കുന്നത്. ദേശിയ അവാര്ഡ് ജേതാവായ ശ്യാം പുഷ്കരനാണ് സിനിമയുടെ തിരക്കഥ നിര്വഹിച്ചിരിക്കുന്നത്.
ഫഹദ് ഫാസിലിനെ കൂടാതെ ഷമ്മി തിലകന്, ബാബു രാജ്, ഉണ്ണിമായ എന്നിവര് കേന്ദ്ര കഥാപാത്രത്തെ അവതരിപ്പിച്ചിരിക്കുന്നു. ദിലീഷ് പോത്തനും ശ്യാം പുഷ്കരനും ഫഹദും ചേര്ന്നാണ് സിനിമയുടെ നിര്മ്മാണം.