എട്ടു വര്ഷങ്ങള്ക്ക് ശേഷം ഷീജി കൈലാസ് മലയാളത്തില് സംവിധാനം ചെയ്യുനംന കടുവ എന്ന ചിത്രത്തിന്റെ ചിത്രീകരണം താത്കാലികമായ ിമാറ്റിവെച്ചു.
കോവിഡ് രണ്ടാം തരംഗം ആഞ്ഞടിക്കുന്ന സാഹചര്യത്തിലാണ് അണിയറപ്രവര്ത്തകര് ഷൂട്ടിംഗ് നിര്ത്തിവെച്ചത്. ഷാജി കൈലാസ് ഫേസ് ബുക്കിലൂടെയാണ് ഇക്കാര്യം അറിയിച്ചത്.
‘നമ്മുടെ സര്ക്കാരിന്റെ കോവിഡ് പ്രതിരോധ പ്രവര്ത്തനങ്ങള്ക്ക് ഐക്യദാര്ഢ്യം പ്രഖ്യാപിച്ചുക്കൊണ്ട് ‘കടുവ’ സിനിമയുടെ ഷൂട്ടിംഗ് ഞങ്ങള് താല്ക്കാലികമായി നിര്ത്തിവെക്കുകയാണ്.
സ്ഥിതിഗതികള് കുറച്ചുകൂടി സുഖപ്രദമാകുമ്പോള് ഞങ്ങള് ചിത്രീകരണം പുനരാരംഭിക്കും’, എന്ന് ഷാജി കൈലാസ് ഫേസ്ബുക്കിലൂടെ അറിയിച്ചു.
ഈ മാസം 16നാണ് സിനിമയുടെ ചിത്രീകരണം ആരംഭിച്ചത്. സായ് കുമാര്, സിദ്ദിഖ്, ജനാര്ദ്ദനന്, വിജയരാഘവന്, അജു വര്ഗീസ്, ഹരിശ്രീ അശോകന്, രാഹുല് മാധവ്, കൊച്ചുപ്രേമന്, സംയുക്ത മേനോന്, സീമ, പ്രിയങ്ക തുടങ്ങിയവര് മറ്റു വേഷങ്ങളില് എത്തുന്നു.
പൃഥ്വിരാജ് പ്രൊഡക്ഷന്സും ലിസ്റ്റിന് സ്റ്റീഫന്റെ മാജിക് ഫ്രെയിംസും ചേര്ന്നാണ് നിര്മ്മാണം.