മലയാളി പ്രേക്ഷകര്ക്ക് ഏറെ സുപരിചതിനായ താരമാണ് ഉണ്ണി മുകുന്ദന്. സോഷ്യല് മീഡിയയില് സജീവമായ താരം ഇടയ്ക്കിടെ തന്റെ ഫിറ്റ്നെസ് രഹസ്യങ്ങളും വ്യായാമം ചെയ്യുന്ന ചിത്രങ്ങളും എല്ലാം പങ്കുവെയ്ക്കാറുണ്ട്. ഇപ്പോഴിതാ ദുല്ഖര് സല്മാനെയും മകളെയും തന്റെ വീട്ടിലേയ്ക്ക് ക്ഷണിച്ചിരിക്കുകയാണ് താരം.
നിപ്പോണ് പെയിന്റുമായുള്ള കൊളാബറേഷന്റെ ഭാഗമായി തന്റെ വീട് പരിചയപ്പെടുത്തിക്കൊണ്ട് ഉണ്ണിമുകുന്ദന് ഒരു വീഡിയോ പങ്കുവച്ചിരുന്നു. ഇതിന് ദുല്ഖര് കമന്റ് ചെയ്തപ്പോഴാണ് ഉണ്ണിയുടെ മറു കമന്റ്.
മനോഹരമായ വീടാണെന്നായിരുന്നു ദുല്ഖറിന്റെ കമന്റ്. ഒരു ദിവസം വീട്ടിലേക്ക് വരൂ, നിങ്ങളുടെ രാജകുമാരിക്ക് ഒരു വണ്ടര് വുമണേയും നിങ്ങള്ക്ക് പറ്റിയാല് ഒരു കാറും തരാമെന്ന് ഉണ്ണിമുകുന്ദന് മറുപടി നല്കി.
‘മേപ്പടിയാന്’ എന്ന ചിത്രത്തിനു വേണ്ടി അടുത്തിടെ ഉണ്ണി മുകുന്ദന് ശരീരഭാരം കൂട്ടിയിരുന്നു. ഷൂട്ടിംഗ് തീര്ത്തതിനു പിന്നാലെ ഉണ്ണി മുകുന്ദന് പഴയ ഫിറ്റ്നസിലേക്ക് എത്താനായുള്ള പുതിയ ഡയറ്റ് പ്ലാനും പരീക്ഷിച്ച് വിജയിച്ചു എന്നും ഉണ്ണി മുകുന്ദന് പറഞ്ഞു.