എ ആര്‍ റഹ്മാന്‍ ആദ്യമായി നിര്‍മ്മിക്കുകയും, എഴുതുകയും ചെയ്ത ’99 സോങ്ങ്സ്’ എന്ന ചിത്രം റിലീസിന് ഒരുങ്ങുകയാണ്. എന്നാല്‍ ഇപ്പോഴിതാ സിനിമ എഴുതാന്‍ തനിക്ക് പ്രചോദനം നല്‍കിയത് മണിരത്നത്തിന്റെ വാക്കുകളാണെന്ന് പറയുകയാണ് എ ആര്‍ റഹ്മാന്‍.
റഹ്മാന്റെ വാക്കുകള്‍:
‘മണിരത്നം ഒരിക്കല്‍ എന്നോട് പറഞ്ഞു, നിനക്ക് എങ്ങിനെയാണ് സിനിമ ചെയ്യുക എന്ന് അറിയാമോ എന്ന്. പാട്ട് പോലെ തന്നെയാണ്. ആമുഖമുണ്ടാവും പിന്നെ പാട്ടിന്റെ പ്രമേയവും, ട്യൂണും. അങ്ങനെ പശ്ചാത്തല സംഗീതം ഉണ്ടാക്കുന്നു. പിന്നെ പാട്ടിന്റെ അനുപല്ലവി വരും. അങ്ങനെ ആ മനോഹരമായ യാത്ര അവസാനിക്കും.’ എന്നാണ് അദ്ദേഹം പറഞ്ഞത്.
മണിരത്നത്തിന്റെ ഈ വാക്കുകളാണ് തന്നെ സിനിമ സംവിധാനം ചെയ്യാന്‍ പ്രേരിപ്പിച്ചതെന്നാണ് റഹ്മാന്‍ പറയുന്നത്. ഒരു കഥ പോലെയാണ് സംവിധാനമെന്ന് അദ്ദേഹം പറഞ്ഞു. അതാണ് എന്നെ ചിന്തിപ്പിച്ചത്.
കഥ എഴുതുന്നത് പോലെ നമ്മുടെ സ്വന്തം ഭാഷയില്‍ ഒരു കലയെ കുറിച്ച് സംസാരിക്കുന്നത് എത്ര മനോഹരമായ കാര്യമാണ്. അതാണ് എനിക്ക് പ്രചോദനമായത്. എനിക്ക് കഥകള്‍ ഇഷ്ടമാണ്.
ആളുകളെയും അവരുടടെ ജീവിതത്തെ കുറിച്ചും പഠിക്കാന്‍ എനിക്ക് ഇഷ്ടമാണ്. ഇന്ത്യയില്‍ ഉള്ളവര്‍ മാത്രമല്ല, എല്ലായിടത്തും നിന്നുള്ള ജീവിതങ്ങള്‍ പറയാനാണ് എനിക്ക് താത്പര്യം’ എന്നും റഹ്മാന്‍ പറഞ്ഞു.