മലയാള സിനിമയിലെ എക്കാലത്തെയും മികച്ച കഥാപാത്രങ്ങളില് ഒന്നായ ആട് തോമയ്ക്ക് 26 വയസ്സ് തികഞ്ഞ സന്തോഷം ചിത്രത്തിന്റെ സംവിധായകന് ഭദ്രന് അറിയിച്ചിരുന്നു.
ഈ സാഹചര്യത്തില് ചിത്രത്തിലെ മോഹന്ലാലിന്റെ അഭിനയം കണ്ട് പ്രശസ്ത എഴുത്തുകാരി മാധവികുട്ടി പറഞ്ഞ വാക്കുകളെ കുറിച്ച് പറഞ്ഞിരിക്കുകയാണ് ഭദ്രന്. ഫേസ്ബുക്കിലൂടെയാണ് മാധവികുട്ടയെക്കുറിച്ചുള്ള ഓര്മ്മ അദ്ദേഹം പങ്കുവെച്ചത്.
എഴുത്തിന്റെ മുത്തശ്ശി മാധവിക്കുട്ടി സ്ഫടികത്തിലെ ലാലിന്റെ അഭിനയ മികവ് കണ്ട് എന്നോട് ഒരിക്കല് പറഞ്ഞത് ഓര്ക്കുന്നു. ‘ഇതുപോലൊരു തെമ്മാടി ചെറുക്കന് എനിക്കും ഉണ്ടായിരുന്നെങ്കില്….’
ഇതിനു ആയിരം ആയിരം അര്ത്ഥങ്ങള് അവര് കണ്ടിരുന്നിരിക്കാം. ഈ ദിവസം ഞാന് അവരെ കൂടി ഓര്മിക്കുകയാണ്. ഇതിന്റെ ഡിജിറ്റല് വേര്ഷന് അവരോടൊപ്പം കാണാന് കഴിഞ്ഞിരുന്നെങ്കില്…..എന്നും ഭദ്രന് പറഞ്ഞു.