ഇന്ത്യന് സിനിമയുമായുള്ള ബന്ധവും സഹകരണവും വര്ധിപ്പിക്കാനൊരുങ്ങി സൗദി സാംസ്കാരിക മന്ത്രാലയം. ഇതിന്റെ ഭാഗമായി സൗദി സാംസ്കാരിക വകുപ്പ് മന്ത്രി ബാദര് ബിന് ഫര്ഹാന് അല്സഊദ് ബോളിവുഡ് താരങ്ങളായ ഷാറൂഖ് ഖാന്, സല്മാന് ഖാന്, സെയ്ഫ് അലി ഖാന്, അക്ഷയ് കുമാര് എന്നിവരുമായി കൂടിക്കാഴ്ച നടത്തി.
മുംബൈയില് വെച്ചായിരുന്നു കൂടിക്കാഴ്ച. ബോളിവുഡ് താരങ്ങളെ സന്ദര്ശിച്ചതിന്റെ ചിത്രങ്ങള് അല്സഊദ് ട്വിറ്ററില് പങ്കുവെച്ചിരുന്നു. താരങ്ങളുമായി സംസാരിച്ചതില് സന്തോഷമുണ്ടെന്ന് അല്സഊദ് കുറിച്ചു.
സൗദിയും ഇന്ത്യന് സിനിമയും തമ്മിലുള്ള പരസ്പരണ സഹകരണത്തെക്കുറിച്ചും അവസരങ്ങളെക്കുറിച്ചും കൂടിക്കാഴ്ചയില് ചര്ച്ചയായി.