18 വര്‍ഷങ്ങള്‍ക്കു ശേഷം ബാല സംവിധാനം ചെയ്യുന്ന ചിത്രത്തില്‍ സൂര്യ നായകനാകുന്നു. സൂര്യ 41 എന്ന് താല്‍ക്കാലികമായി പേരിട്ടിരിക്കുന്ന ചിത്രത്തില്‍ മലയാളി താരം മമിതയും അഭിനയിക്കുന്നുണ്ട്. ചിത്രത്തിന്റെ അണിയര പ്രവര്‍ത്തകരാണ് മമിതയടങ്ങുന്ന ചിത്രം പങ്കുവെച്ചത്.
ടൂഡി എന്റെര്‍ടെയിന്‍മെന്റ്സിന്റെ ബാനറില്‍ ജ്യോതികയാണ് ചിത്രം നിര്‍മ്മിക്കുന്നത്. ചിത്രത്തില്‍ കൃതി ഷെട്ടിയാണ് നായികയായി എത്തുന്നത്. മമിതയുടെ കഥാപാത്രത്തെ സംബന്ധിക്കുന്ന വിവരങ്ങളൊന്നും ഇതുവരെ പുറത്തുവിട്ടിട്ടില്ല.
നാടന്‍ ലുക്കില്‍ ചിത്രത്തിന്റെ അണിയറ പ്രവര്‍ത്തകര്‍ക്കൊപ്പം നില്‍ക്കുന്നതാരത്തിന്റെ ചിത്രമാണ് ഇപ്പോള്‍ പുറത്തുവിട്ടിരിക്കുന്നത്. സൂപ്പര്‍ ശരണ്യ എന്ന ചിത്രത്തിലാണ് മമിത ഏറ്റവും ഒടുവില്‍ പ്രത്യക്ഷപ്പെട്ടത്.
സോന എന്ന കഥാപാത്രത്തെയാണ് താരം ചിത്രത്തില്‍ അവതരിപ്പിച്ചത്. നായിക കഥാപാത്രമായ ശരണ്യയെപ്പോലെ തന്നെ പ്രാധാന്യം അര്‍ഹിക്കുന്ന കഥാപാത്രമായിരുന്നു സോനയുടേതും. മികച്ച അഭിപ്രായമാണ് ചിത്രത്തില്‍ മമിതയ്ക്കും ലഭിച്ചത്.