48 മണിക്കൂര്‍ ദേശീയ പണിമുടക്കില്‍ സിനിമ മേഖലയ്ക്ക് മാത്രമായി ഇളവുകള്‍ നല്‍കാനാവില്ലെന്ന് സംയുക്ത തൊഴിലാളി യൂണിയന്‍. ഒരു വര്‍ഷം മുന്‍പ് പ്രഖ്യാപിച്ചതാണ് ദേശീയ പണിമുടക്ക്.
ടൂറിസം മേഖലയില്‍ ഉള്‍പ്പടെ സമരത്തെക്കുറിച്ച് ബോധ്യപ്പെടുത്തി മുന്നോട്ട് പോകുകയാണെന്നും തൊഴിലാളിയ യൂണിയന്‍ നേതാക്കളായ വി.ആര്‍.പ്രതാപനും സി ജയന്‍ബാബുവും പറഞ്ഞു.
രണ്ടു ദിവസത്തെ പൊതു പണിമുടക്കില്‍ നിന്ന് സംസ്ഥാനത്തെ സിനിമാ തിയേറ്ററുകളെ ഒഴിവാക്കണമെന്ന് തിയേറ്റര്‍ ഉടമകളുടെ സംഘടനയായ ഫിയോക് നേരത്തെ ആവശ്യപ്പെട്ടിരുന്നു.
കൊവിഡ് വ്യാപനത്തിനുശേഷം തിയേറ്ററുകള്‍ പൂര്‍ണമായി തുറന്ന വരുന്ന സമയമാണിതെന്നും പ്രതിസന്ധിയില്‍ നിന്നും കരകയറാന്‍ ശ്രമിക്കുന്ന തീയേറ്റര്‍ വ്യവസായത്തിന് ഇതു തിരിച്ചടിയാവുമെന്നും ഫിയോക് ചൂണ്ടിക്കാട്ടിയിരുന്നു.
ദേശീയ പണിമുടക്കില്‍ നിന്നും സിനിമ മേഖലയെ ഒഴിവാക്കണമെന്നും ഷൂട്ടിംഗ് നടത്താന്‍ അനുമതി തരണമെന്നും മറ്റു ചലച്ചിത്ര സംഘടനകളും ആവശ്യപ്പെട്ടിരുന്നു.