ഫോട്ടോഗ്രാഫിയോട് ഏറെ താല്‍പ്പര്യമുള്ള ഒരാളാണ് മമ്മൂട്ടി. ഷൂട്ടിംഗ് ലൊക്കേഷനുകളില്‍ ഇടവേളകളിലും മറ്റും സഹതാരങ്ങളുടെ ചിത്രങ്ങള്‍ പകര്‍ത്താനും മമ്മൂട്ടിയ്ക്ക് ഏറെ ഇഷ്ടമാണ്. മമ്മൂട്ടി പകര്‍ത്തിയ തങ്ങളുടെ ചിത്രങ്ങള്‍ അഭിമാനത്തോടെയും സന്തോഷത്തോടെയും തന്നെ താരങ്ങളും സോഷ്യല്‍ മീഡിയയില്‍ ഷെയര്‍ ചെയ്യാറുണ്ട്. ആ ചിത്രങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നതും.
ഭീഷ്മപര്‍വ്വത്തിന്റെ പ്രമോഷനിടെ മമ്മൂട്ടി തന്റെ ചിത്രം പകര്‍ത്തിയതിനെ കുറിച്ചൊരു കുറിപ്പ് ഷെയര്‍ ചെയ്തിരിക്കുകയാണ് ലെന ഇപ്പോള്‍. ഒരു ക്യാമറയ്ക്ക് മുന്നിലും ഇത്ര പരിഭ്രാന്തിയോടെ നിന്നിട്ടില്ലെന്നും ഈ ചിത്രത്തെ താന്‍ നിധിയായി കരുതുന്നുവെന്നും ലെന കുറിക്കുന്നു.
എടുത്തപടം കാണാനായി കാത്തിരിക്കുന്നുവെന്നും ലെന പറയുന്നു. മമ്മൂട്ടിയ്ക്ക് ഒപ്പം ലെനയും അഭിനയിച്ച ‘ഭീഷ്മപര്‍വ്വം’ മൂന്നാം വാരത്തിലും വിജയകരമായി പ്രദര്‍ശനം തുടരുകയാണ്.
ചിത്രത്തില്‍ മമ്മൂട്ടിയുടെ സഹോദരിയായാണ് ലെന അഭിനയിച്ചത്. ബോക്‌സ് ഓഫീസ് റെക്കോര്‍ഡുകളെല്ലാം തകര്‍ത്ത് മുന്നേറുന്ന ഭീഷ്മപര്‍വ്വം അധികം വൈകാതെ നൂറുകോടി ക്ലബ്ബില്‍ കയറുമെന്ന പ്രതീക്ഷയിലാണ് ആരാധകര്‍. ഇതിനകം തന്നെ 75 കോടിയിലേറെ ചിത്രം കളക്ഷന്‍ നേടികഴിഞ്ഞു.