ബാഹുബലി എന്ന ഒറ്റ ചിത്ത്രതിലൂടെ തന്നെ നിരവധി ആരാധകരെ സ്വന്തമാക്കിയ താരമാണ് പ്രഭാസ്. ഈ ചിത്രത്തിന്റെ വിജയത്തിന് ശേഷം തിരക്കേറിയ സൂപ്പര്‍ താരപദവിയിലേയ്ക്ക് എത്താന്‍ പ്രഭാസിന് അധികം കാലതാമസം ഒന്നും വേണ്ടി വന്നില്ല. പൂജ ഹെഗ്ഡെയ്ക്കൊപ്പം അഭിനയിച്ച രാധേ ശ്യാമാണ് പ്രഭാസിന്റെതായി തീയേറ്ററില്‍ എത്തിയ ഏറ്റവും ഒടുവിലത്തെ ചിത്രം.
മോശം പ്രതികരണങ്ങളിലൂടെ കടന്നുപോയ ചിത്രം ബോക്സോഫീസില്‍ പരാജയപ്പെട്ടെന്നാണ് ലഭിക്കുന്ന റിപ്പോര്‍ട്ട്. താരം അടുത്ത ചിത്രത്തിന്റെ തിരക്കുകളിലേക്ക് കടന്നെന്നാണ് റിപ്പോര്‍ട്ട്.
അതേസമയം താരം ഇപ്പോള്‍ സ്പെയിനിലാണെന്നാണ് പുറത്തുവരുന്ന റിപ്പോര്‍ട്ടുകളില്‍ നിന്നും വ്യക്തമാകുന്നത്. ഐ എ എന്‍ എസിലെ ഒരു റിപ്പോര്‍ട്ട് അനുസരിച്ച്, താരം സ്പെയിനിലെ ബാഴ്‌സലോണയില്‍ ചെറിയ ശസ്ത്രക്രിയയ്ക്കും വിധേയനായിട്ടുണ്ടെന്നാണ് സൂചന. സാലറിന്റെ സെറ്റില്‍ വച്ചുണ്ടായ അപകടമാണ് കാരണം.