മിനിസ്‌ക്രീനിലും ബിഗ് സ്‌ക്രീനിലുമൊക്കെയായി പ്രേക്ഷകര്‍ക്ക് പ്രിയങ്കരിയായി മാറിയ താരമാണ് രശ്മി അനില്‍. കോമഡിയും സ്വഭാവിക കഥാപാത്രങ്ങളും ഒരേപോലെ വഴങ്ങുമെന്ന് തെളിയിച്ച് മുന്നേറുകയാണ് താരം.. സോഷ്യല്‍ മീഡിയയില്‍ സജീവമായ രശ്മി പങ്കിടുന്ന വിശേഷങ്ങള്‍ പെട്ടെന്ന് തന്നെ ശ്രദ്ധിക്കപ്പെടാറുമുണ്ട്. ഇപ്പോഴിതാ രശ്മി അനിൽ പങ്കുവെച്ച ഒരു ഗൌരവകരമായ കാര്യമാണ് ഇന്ന് നടിയുടെ ഫോളോവേഴ്സിനെ ഞെട്ടിച്ചത്
കുംഭഭരണി ദിനത്തിൽ ചെട്ടികുളങ്ങര ക്ഷേത്രത്തിലെ ഭരണി ആഘോഷത്തിനിടെ നടന്ന കുത്തിയോട്ടത്തെ കുറിച്ച് പറഞ്ഞ് നടി ഒരു വീഡിയോ പങ്കുവെച്ചിരുന്നു. ഈ വീഡിയോയ്ക്ക് താഴെ ഒരാൾ അശ്ലീല സംസാരം കമൻ്റിട്ടിരുന്നു. ഇയാളെ പരസ്യമായി തുറന്ന് കാട്ടി നടി രംഗത്ത് വരികയും ചെയ്തിരുന്നു.
ഇപ്പോൾ ഈയാളെ കണ്ടെത്തുകയും പരസ്യമായി മാപ്പ് പറയിപ്പിക്കുകയും ചെയ്തിരിക്കുകയാണ് രശ്മി അനിൽ. സംഭവം നടന്നതിനു പിന്നാലെ നടി ഇയാൾക്കെതിരെ പരാതി സമർപ്പിച്ചിരുന്നു. തൊട്ടടുത്ത ദിവസം തന്നെ പോലീസുദ്യോഗസ്ഥർ ഇയാളെ കണ്ടെത്തുകയായിരുന്നു.
ഇയാളെ കണ്ടെത്തിയ വിവരം അറിയിച്ച ശേഷം രശ്മിയ്ക്ക് ഇയാളെ നേരിട്ട് കാണണമെന്ന് അറിയിക്കുകയായിരുന്നു. ആദ്യം ഇയാൾ അതിൽ നിന്ന് ഒഴിഞ്ഞ് മാറാൻ ശ്രമിച്ചെങ്കിലും പിന്നീട് അയാൾ അതിനു വഴങ്ങുകയും നേരിട്ട് കാണാനെത്തുകയുമായിരുന്നു.
ഇയാൾ മദ്യാസക്തിയിൽ ചെയ്തു പോയ തെറ്റാണെന്നും ഇനി ആവർത്തിക്കില്ലെന്നും ശ്യാം എന്ന പ്രതി രശ്മിയോടും സുഹൃത്തുക്കളോടും ആവർത്തിച്ചു പറഞ്ഞു. രശ്മി ഇത് ഫേസ്ബുക്കിൽ ലൈവായി എല്ലാവരെയും കാണിക്കുകയും ചെയ്തിരുന്നു.
നിരവധി പേരാണ് നടിയെ പ്രശംസിച്ച് കമൻ്റുകളെഴുതിയിരിക്കുന്നത്. ഇനിയും ശ്യാം മദ്യം കഴിക്കില്ലെന്നും മാനസികമായി തകർന്നിരിക്കുന്ന അവസ്ഥയിലായിരുന്നു അത് ചെയ്തതെന്ന് പറഞ്ഞുവെന്നും രശ്മി പറയുനനു. തനിക്ക് രണ്ട് പെൺമക്കളുണ്ടെന്നും മാപ്പ് നൽകണമെന്നും അയാൾ ലൈവിലെത്തി പറയുന്നുണ്ട്. അമ്മയും മക്കളുമായി സ്റ്റേഷനിലെത്തിയാണ് ഓട്ടോ ഡ്രൈവറായ ശ്യാം മാപ്പപേക്ഷിച്ചത്.
ഭാര്യ കൂടെ ഇല്ല, പിണക്കത്തിലാണ് മാറി നിൽക്കുന്നതിൻ്റെ മനപ്രയാസവുമുണ്ട്. അങ്ങനെയാണ് തനിക്ക് മദ്യപാനം കൂടിയതെന്നും അതിൻ്റെ ലഹരിയിൽ നിന്നപ്പോൾ അറിയാതെ ചെയ്തുപോയതാണെന്നും സൈബറാക്രമണ വകുപ്പിൽ പെടുത്താവുന്ന കുറ്റകൃത്യത്തിലെ പ്രതി സ്ഥാനത്ത് നിൽക്കുന്ന ശ്യാം പറഞ്ഞത്.
about reshmi anil