സായ് കുമാറിന്റെ മകള്‍ വൈഷ്ണവി അഭിനയരംഗത്തേയ്ക്ക് കാലെടുത്ത് വെച്ചിരിക്കുകയാണ്. കൈ എത്തും ദൂരത്ത് എന്ന പരമ്പരയിലൂടെയാണ് അഭിനയത്തിന് തുടക്കം കുറിച്ചത്. ആദ്യ പരമ്പരയ്ക്ക് മികച്ച അഭിപ്രായം ലഭിക്കുന്നതിന്റെ സന്തോഷത്തിലാണ് വൈഷ്ണവി.
ഇപ്പോഴിതാ ജീവിതത്തില്‍ ഇങ്ങനെയൊരു വഴിത്തിരിവ് ഉണ്ടാകാന്‍ കാരണം ഭര്‍ത്താവ് ആണെന്ന് പറയുകയാണ് താരപുത്രി. ഒരു അഭിമുഖത്തിലാണ് താരം ഇക്കാര്യം പങ്കുവച്ചത്. ‘അച്ഛനും അമ്മയും മുത്തച്ഛനും കുടുംബത്തില്‍ മറ്റു പലരും അഭിനയ രംഗത്ത് മുദ്രപതിപ്പിച്ചവരാണെങ്കിലും ഒരിക്കലും ഒരു നടി ആകണമെന്ന് ആഗ്രഹിച്ചിട്ടില്ല.
എന്നാല്‍ ജീവിതത്തില്‍ ഇങ്ങനെയൊരു വഴിത്തിരിവ് ഉണ്ടാകാന്‍ കാരണം ഭര്‍ത്താവ് സുജിത്ത് കുമാറാണെന്നും’ വൈഷ്ണവി പറഞ്ഞു. ‘ടിവി രംഗത്തുള്ള ഒരു സുഹൃത്ത് വഴിയാണ് ഇതു സംഭവിച്ചത്. ഈ അവസരം വന്നപ്പോള്‍ ഭര്‍ത്താവും അമ്മയും പിന്തുണച്ചു.
കുട്ടിക്കാലത്ത് ‘ഏഴുവര്‍ണ്ണങ്ങള്‍’ എന്ന പേരില്‍ ഒരു ടെലിഫിലിമില്‍ അഭിനയിച്ചിട്ടുണ്ട്. അന്ന് അച്ഛനും കൂടെ ഉണ്ടായിരുന്നത് കൊണ്ട് അന്ന് ഒരു പ്രയാസവും ഉണ്ടായില്ല. എന്നാല്‍ കൈയ്യെത്തും ദൂരത്തില്‍ എത്തിയപ്പോള്‍ അല്‍പ്പം ടെന്‍ഷന്‍ ഉണ്ടായിരുന്നു.സഹതാരങ്ങളെല്ലാം നന്നായി പിന്തുണച്ചെന്നും താരം പറയുന്നു