കോമഡി സ്‌കിറ്റുകളിലൂടെ ജഗദീഷിനെ അവതരിപ്പിച്ച് പ്രേക്ഷകരെ കുടുകുടെ ചിരിപ്പിച്ച കൊല്ലം സുധിയെ മലയാളികൾ പെട്ടെന്നൊന്നും മറക്കില്ല. ഫ്ലവേഴ്‌സ് ടിവിയില്‍ സംപ്രേക്ഷണം ചെയ്യുന്ന സ്റ്റാര്‍ മാജിക്കിലൂടെയാണ് ഇപ്പോള്‍ സുധി പ്രേക്ഷകരുടെ മനം കവരുന്നത്. കലാരംഗത്തെ വിശേഷങ്ങളെക്കുറിച്ച് മാത്രമല്ല വ്യക്തി ജീവിതത്തിലെ വിശേഷങ്ങളും പരമ്പരയിൽ പങ്കെടുക്കുന്ന താരങ്ങൾ തുറന്നുപറയാറുണ്ട്. അടുത്തിടെ കൊല്ലം സുധി കുടുംബത്തെ കുറിച്ച് നടത്തിയ ഒരു തുറന്നു പറച്ചിൽ വൈറൽ ആയി മാറിയിരുന്നു. ഇപ്പോൾ ഇതിനെ കുറിച്ചുള്ള ചർച്ചകൾ ആണ് സോഷ്യൽ മീഡിയയിൽ നടക്കുന്നത്.
കുടുംബത്തെക്കുറിച്ച് കൊല്ലം സുധി നടത്തിയ തുറന്നുപറച്ചില്‍ വൈറൽ ആയി മാറിയപ്പോഴാണ് കുടുംബത്തെ കാണണം എന്ന് ആരാധകർ പറയുന്നത്. അവരുടെ നിരന്തരമായ അഭ്യർത്ഥനയെ മാനിച്ചുകൊണ്ടാണ് സുധി കുടുംബസമേതം ഷോയിൽ എത്തിയത്. കൈക്കുഞ്ഞായിരിക്കുമ്പോള്‍ മുതല്‍ മൂത്തമകനെയും കൊണ്ടാണ് ഷോ നടത്തിയിരുന്നത് എന്ന് ആയിരുന്നു സുധിയുടെ തുറന്നു പറച്ചിൽ. രേണുവെന്നാണ് സുധിയുടെ ഇപോഴത്തെ ഭാര്യയുടെ പേര്.
അവൾക്ക് ആദ്യ ഭാര്യയിലെ മകൻ ആണ് രാഹുൽ എന്ന് പറയുന്നത് പോലും ഇഷ്ടം അല്ല. കാരണം അവൾ സ്വന്തം കുഞ്ഞായിട്ടാണ് രാഹുലിനെ കണ്ടത് എന്നും സുധി സ്റ്റാർമാജിക്കിൽ വച്ച് പറയുകയുണ്ടായി. തനിക്ക് മൂത്ത മോനാണ് രാഹുല്‍. സുധി തനിക്ക് സുധിക്കുട്ടനാണെന്നും രേണു ഷോയ്ക്കിടെ വ്യക്തമാക്കി. സുധി ചേട്ടനുമായി സൗഹൃദമുണ്ടായിരുന്നു. കാര്യങ്ങളൊക്കെ അറിഞ്ഞപ്പോള്‍ സങ്കടമായി. സ്‌നേഹത്തിലായി. കിച്ചുവിനെ എന്റെ സ്വന്തം മോനായി കണ്ടു. അവനെന്നെ അമ്മേന്ന് വിളിച്ചു എന്നും രേണു ഷോയിലൂടെ പറഞ്ഞു.
ഇരുവരുടെയും തുറന്നുപറച്ചിലുകൾ എന്നാൽ സോഷ്യൽ മീഡിയയിൽ പലവിധ ചർച്ചകൾക്കാണ് വഴി വച്ചത്. സുധിയുടെ മൂന്നാം വിവാഹമാണ് ഇതെന്നും സുധി ചേട്ടാ ശാലിനിയെ നന്നായി എനിക്കറിയാം പിന്നെ ചേട്ടനാരാണെന്നും നന്നായി അറിയാം അറിയാത്തവരെ പറഞ്ഞ് പറ്റിക്കാം എന്ത് കാരണം കൊണ്ടാ നിങ്ങളെ ശാലിനി കളഞ്ഞിട്ട് പോയതെന്ന് ഞങ്ങൾക്ക് നല്ലതുപോലെ അറിയാം അതുകൊണ്ട് കൂടുതൽ ഷോ കാണിക്കണ്ട നിങ്ങൾ നല്ലവനാണെങ്കിൽ അവൾ ഒരിക്കലും നിങ്ങളെ കളയില്ലായിരുന്നു എന്നൊക്കെയുള്ള കമന്റുകളും സോഷ്യൽ മീഡിയയിൽ നിറയുന്നുണ്ട്.
ഭര്‍ത്താവ് മാത്രമല്ല കൂട്ടുകാരനും ചേട്ടനുമൊക്കെയാണ് സുധിയെന്നാണ് രേണു പറയുന്നത്. നല്ലൊരു ഭര്‍ത്താവും അച്ഛനുമാണ് അദ്ദേഹം. ആ ക്വാളിറ്റിയാണ് ഏറെയിഷ്ടം. പ്രണയത്തെക്കുറിച്ച് അറിഞ്ഞപ്പോള്‍ തുടക്കത്തില്‍ എതിര്‍പ്പുകളൊക്കെയുണ്ടായിരുന്നു. എത്ര വലിയ ആര്‍ടിസ്റ്റാണെന്ന് പറഞ്ഞാലും വിവാഹം കഴിഞ്ഞതല്ലേ, ഒരു മോനില്ലേയെന്നൊക്കെ പറഞ്ഞ് വഴക്കുണ്ടാക്കിയിരുന്നു. പിന്നെ എല്ലാവരും സമ്മതിക്കുകയായിരുന്നുവെന്നും രേണു പറഞ്ഞു