പാടാത്ത പൈങ്കിളിയില് ദേവയായി എത്തി പ്രേക്ഷകരുടെ പ്രിയ താരമാവുകയായിരുന്നു സൂരജ് സൺ. പരമ്പര മുന്നേറുന്നതിനിടയിലായിരുന്നു സൂരജ് സീരിയലിൽ നിന്ന് പിന്മാറിയയത്. തുടർന്ന് ലക്ജിത് സൈനിയാണ് പരമ്പരയിലേക്കെത്തിയത്. ആ മാറ്റം ഉള്ക്കൊള്ളാന് ഇന്നും ആരാധകര്ക്ക് കഴിഞ്ഞിട്ടില്ല. സൂരജിനോടുള്ള സ്നേഹവും പരിഭവവും പറഞ്ഞ് ഇപ്പോഴും ആരാധകര് എത്തുന്നുണ്ട്.
സോഷ്യൽ മീഡിയായിൽ സജീവമായ സൂരജ് തന്റെ വിശേഷങ്ങൾ ആരാധകരുമായി പങ്കിടാറുണ്ട്.
സൂരജിന്റെ വിശേഷങ്ങളെല്ലാം ആരാധകര് ആഘോഷമാക്കാറുണ്ട്. ഇപ്പോഴിതാ ആര്എല്വി രാമകൃഷ്ണനെ കണ്ട സന്തോഷം പങ്കുവെച്ചുള്ള കുറിപ്പ് വൈറലായിക്കൊണ്ടിരിക്കുകയാണിപ്പോള്. സൂരജിനെക്കുറിച്ച് പറഞ്ഞ് ആര്എല്വിയും എത്തിയിരുന്നു.
ഇദ്ദേഹത്തെ ഞാന് പറയാതെ തന്നെ നിങ്ങള്ക്കറിയാമല്ലോ. പാടാത്ത പൈങ്കിളിയിലെ ദേവന് യഥാര്ത്ഥ പേര് സൂരജ് സണ്. ഇന്ന് എറണാകുളത്ത് നടന്ന പുതിയ സിനിമയുടെ പൂജയുമായി ബന്ധപ്പെട്ട ചടങ്ങില് വച്ച് പരിചയപ്പെട്ടതായിരുന്നു. ഒരു സാധാരണക്കാരന് യാതൊരു ജാഡയുമില്ലാത്ത സ്നേഹിക്കാന് മാത്രമറിയുന്ന കണ്ണൂര്ക്കാരന്. മണിച്ചേട്ടനെ ഗോഡ്ഫാദറായി കാണുന്ന ഈ കലാകാരന് എല്ലാ ഭാവുകങ്ങളും നേരുന്നു.
മഴവെള്ളപാച്ചിലില് ഒഴുക്കില്പ്പെട്ട രണ്ട് വിദ്യാര്ത്ഥികള് മുങ്ങി താണപ്പോള് യാതൊരു മടിയും കൂടാതെ തന്റെ ജീവന് പോലും വകവയ്ക്കാതെ കുട്ടികളെ രക്ഷിക്കാന് ഒഴുക്കുള്ള പുഴയിലേക്ക് എടുത്തു ചാടി. കനത്ത ഒഴുക്കില് പാറകളില് തട്ടി നട്ടെല്ലിന് പരിക്ക് പറ്റുകയും സൂപ്പര് ഹിറ്റായി ഓടികൊണ്ടിരുന്ന സീരിയലില് നിന്ന് പിന്മാറേണ്ടി വന്ന മനുഷ്യത്വമുള്ള യഥാര്ത്ഥ കലാകാരന്.
ഇദ്ദേഹത്തിന് ഇനിയും നല്ല കഥാപാത്രങ്ങള് ചെയ്യാന് അവസരം ഉണ്ടാകട്ടെ എന്ന് ജഗദീശ്വരനോട് ആത്മാര്ത്ഥമായി പ്രാര്ത്ഥിക്കുന്നു എന്നുമായിരുന്നു രാമകൃഷ്ണന് കുറിച്ചത്.