ഡബ്സ്മാഷിലൂടെ മലയാളികളുടെ ഹൃദയം കീഴടക്കിയ നടിയാണ് സൗഭാഗ്യ വെങ്കിടേഷ്. മികച്ച നർത്തകി കൂടിയായ സൗഭാഗ്യ നടിയും നർത്തകിയുമായ താര കല്യാണിൻ്റെ മകൾ കൂടിയാണ്. സൗഭാഗ്യയെ പോലെ തന്നെ ഭർത്താവ് അർജുനും ആരാധകർ ഏറെയാണ്. വിവാഹശേഷം അർജ്ജുൻ ടെലിവിഷൻ അഭിനയ രംഗത്തേക്കും എത്തിക്കഴിഞ്ഞു. ഇപ്പോൾ ചക്കപ്പഴം എന്ന സീരിയലിലെ ശിവൻ എന്ന പോലീസ് കഥാപാത്രമായി തിളങ്ങുകയാണ് താരം.
സോഷ്യൽ മീഡിയയിൽ ഏറെ സജീവമായ സൗഭാഗ്യ ഇപ്പോൾ പങ്കുവെച്ച കപ്പിൾ ചിത്രവും അതിനു കുറിച്ചിരിക്കുന്ന ക്യാപ്ഷനുമാണ് വൈറലാകുന്നത്.
അർജ്ജുനൊപ്പമുള്ള ഒരു സുന്ദരചിത്രം പങ്കുവെച്ചുകൊണ്ട് സൗഭാഗ്യ കുറിച്ചിരിക്കുന്നത് ‘അവൻ എൻ്റെ കൈ പിടിച്ചിരിക്കുകയാണ് അത് വിടില്ല എന്നെനിക്ക് ഉറപ്പുണ്ട്’. ചിത്രം ഇതിനോടകം തന്നെ ആരാധകർ ഏറ്റെടുത്തിരിക്കുകയാണ്. കറുത്ത കുർത്ത അണിഞ്ഞാണ് അർജ്ജുൻ ചിത്രത്തിലുള്ളത്. അതേസമയം കരിംപച്ച നിറത്തിലുള്ള കോട്ടൺ സാരിയാണ് സൗഭാഗ്യ അണിഞ്ഞിരിക്കുന്നത്.
ചിത്രത്തിൽ സൗഭാഗ്യ അതിസുന്ദരിയായിരിക്കുന്നുവെന്നും കട്ടക്ക് പിടിച്ചു നിൽക്കുകയാണ് അർജ്ജുനും എന്നൊക്കെയാണ് ആരാധകരുടെ കമൻ്റുകൾ.