കാറുകളോടുള്ള പൃഥ്വിയുടെ പ്രിയത്തെ കുറിച്ച് ആരാധകർക്ക് ഏറെ അറിവുള്ളതാണ്. ഈ വർഷം ആദ്യം, ഭാര്യ സുപ്രിയയും ടാറ്റ സഫാരി അഡ്വഞ്ചർ പേഴ്സണൽ എഡിഷൻ സ്വന്തമാക്കിയിരുന്നു.
ലംബോർഗിനി ഹുറാകാൻ സ്പോർട്സ് കാർ മുതൽ റേഞ്ച് റോവർ വോഗ്, പോർഷ കയീൻ തുടങ്ങിയ എസ്യുവികളും ചില ആഡംബര ബ്രാൻഡുകളും പൃഥ്വിയ്ക്ക് ഉണ്ട്. ഇതിന് പിന്നാലെ മിനി കൂപ്പർ പുതിയ വേർഷൻ പൃഥ്വി സ്വന്തമാക്കിയിരിക്കുകയാണ്. അതിന്റെ ചിത്രങ്ങൾ സോഷ്യൽ മീഡിയയിൽ വൈറലാകുന്നു.
പ്രിയപ്പെട്ടവളെ ചേർത്തുപിടിച്ചുകൊണ്ട് പൃഥ്വിയുടെ ചിത്രങ്ങളെല്ലാം സോഷ്യൽ മീഡിയയിൽ ട്രെൻഡിങ് ആണ്.
മിനി കൂപ്പർ JCW ഹാച്ച്ബാക്കാണ് അദ്ദേഹം കഴിഞ്ഞദിവസം സ്വന്തമാക്കിയത്. മിനി കൂപ്പർ JCW പതിപ്പിന് ഏകദേശം 45.50 ലക്ഷം രൂപയാണ് എക്സ്ഷോറൂം വില എന്നാണ് റിപ്പോർട്ടുകൾ സൂചിപ്പിക്കുന്നത്. വെറും 6.1 സെക്കൻഡുകൾക്കുള്ളിൽ കാറിന് 0-100 കിലോമീറ്റർ വേഗത കൈവരിക്കാൻ കഴിയും.