മിനിസ്ക്രീന് പ്രേക്ഷകർക്ക് ഏറെ സുപരിചിതമാണ് ദേവിക നമ്പ്യാര്.ഇപ്പോൾ രാക്കുയില് എന്ന പരമ്പരയി താരം അഭിനയിക്കുന്നത്. ബാലാമണിയായി കുടുംബ പ്രേക്ഷകർക്ക് മുന്നിലെത്തിയ ദേവിക രാക്കുയിലില് പരമ്പരയിലൂടെ വീണ്ടും തിളങ്ങിനിൽക്കുകയാണ്. തുളസി എന്ന കഥാപാത്രത്തിന് ഗംഭീര പിന്തുണയാണ് ലഭിച്ചുകൊണ്ടിരിക്കുന്നത്.ഇപ്പോഴിതാ തന്റെ ജീവിത വിശേഷങ്ങള് പങ്കിട്ടുള്ള ദേവികയുടെ അഭിമുഖം സോഷ്യല് മീഡിയയിലൂടെ വൈറലായിക്കൊണ്ടിരിക്കുകയാണ്.
അഭിനയം മാത്രമല്ല അവതാരകയാകാനും ഇഷ്ടമാണെന്ന് പറയുകയാണ് ദേവിക. ഒരു ഓൺലൈൻ മാധ്യമത്തിന് നല്കിയ അഭിമുഖത്തിനിടയിലായിരുന്നു ദേവിക വിശേഷങ്ങള് പങ്കുവെച്ചത്. സിനിമ ഒരുപാട് ഇഷ്ടമാണ്, എന്നാല് കൂടുതല് ആളുകള് എന്നെ അറിഞ്ഞ് തുടങ്ങിയത് സീരിയലുകളിലൂടെയാണ്. അവതാരകയാവാനും ഇഷ്ടമാണ്. സിനിമയില് നമുക്ക് വ്യത്യസ്ത കഥാപാത്രങ്ങള് ചെയ്യാനാവും. സീരിയലില് ഒരു കഥാപാത്രമാണ്, ആ കഥാപാത്രത്തിന്റെ വ്യത്യസ്ത അവസ്ഥകളാണ് പിന്നീട് കാണിക്കാറുള്ളത്. ആ ക്യാരക്ടര് മാറുന്നില്ല.
മുമ്പ് ആങ്കറിങ് ചെയ്യാന് പേടിയുണ്ടായിരുന്നു. ഇപ്പോള് അങ്ങനെയൊന്നുമില്ല, എല്ലാം ചെയ്യുമെന്നും ദേവിക പറയുന്നു. വര്ക്കൗട്ട് ചെയ്യാറുണ്ട്. വിത്തൗട്ട് മേക്കപ്പായി നടക്കാനാണ് ഇഷ്ടം. ജീവിതത്തിലെ ആദ്യ പ്രണയത്തെക്കുറിച്ചും ദേവികയോട് അവതാരകന് ചോദിച്ചിരുന്നു. 9ാം ക്ലാസില് വെച്ചായിരുന്നു അത്. തേപ്പ് കിട്ടിയിട്ടുണ്ടോ എന്ന് ചോദിച്ചപ്പോള് ഇല്ല ഞാന് തേച്ചിട്ടേയുള്ളൂവെന്നായിരുന്നു താരത്തിന്റെ മറുപടി.
കുഞ്ചാക്കോ ബോബനൊപ്പമാണ് ആദ്യമായി സെല്ഫിയെടുത്തത്. 5ാം ക്ലാസില് വെച്ചായിരുന്നു ആദ്യം ക്യാമറയ്ക്ക് മുന്നില് അഭിനയിച്ചത്. ലാല് സാര് മരിച്ച് കിടക്കുന്ന രംഗത്ത് കരയുന്നതായിരുന്നു സീന്. സിനിമ റിലീസായപ്പോള് എന്റെ ഉടുപ്പിന്റെ ഒരു ഭാഗമാണ് കണ്ടത്. ആ ചിത്രത്തിലൂടെ കുഞ്ചാക്കോ ബോബന് സംസ്ഥാന അവാര്ഡൊക്കെ ലഭിച്ചിരുന്നു.
നെഗറ്റീവ് കമന്സ് വല്ലാതെ ബാധിച്ചിരുന്നു. ഭയങ്കരമായി വിഷമിച്ചിരുന്നു. അത് കാരണം ഇനി ആങ്കര് ചെയ്യില്ലെന്ന തീരുമാനം വരെ എടുത്തിരുന്നു. ഇപ്പോള് ആ കാഴ്ചപ്പാട് മാറി. ഇപ്പോള് അത് പോസിറ്റീവായാണ് എടുക്കുന്നത്. നമ്മള്ക്ക് എന്തെങ്കിലും കുറവ് ഉള്ളതോണ്ടായിരിക്കുമല്ലോ, അങ്ങനെയാണ് ചിന്തിക്കാറുള്ളതെന്നുമായിരുന്നു ദേവിക നമ്പ്യാർ പറഞ്ഞത്.
about devika nambyar