സിനിമാ താരം, ടെലിവിഷന്‍ അവതാരക എന്നീ നിലകളില്‍ നിന്നും സംരംഭകയായി മാറിയ വ്യക്തിയാണ് പൂര്‍ണിമ ഇന്ദ്രജിത്ത്. 2013ല്‍ പൂര്‍ണിമ സ്ഥാപിച്ച ‘പ്രാണ’ എന്ന സ്ഥാപനം കുറഞ്ഞ നാള്‍കൊണ്ടുതന്നെ ശ്രദ്ധിക്കപ്പെട്ടിരുന്നു. സോഷ്യൽ മീഡിയയിൽ സജീവമായ പൂർണ്ണിമ തന്റെ വിശേഷങ്ങൾ പങ്കുവെക്കാറുണ്ട്.
ഇന്ദ്രജിത്തിന്റേയും പൂർണിമയുടെയും കുടുംബത്തോടൊപ്പമുള്ള ഓണാഘോഷ ചിത്രങ്ങളാണ് ഇപ്പോൾ ശ്രദ്ധനേടുന്നത്. പൂർണിമ ഇൻസ്റ്റഗ്രാമിലൂടെയാണ് ചിത്രം പങ്കുവച്ചത്.
തിരുവോണദിനത്തിൽ ഇന്ദ്രജിത്തിനും മക്കൾക്കും ഒപ്പമുള്ള ചിത്രവും പൂർണിമ പങ്കുവച്ചിരുന്നു. പൂർണിമയാണ് ഓണവസ്ത്രങ്ങൾ ഡിസൈൻ ചെയ്തിരിക്കുന്നത്. എല്ലാവർക്കും ഓണാശംസകൾ നേർന്നു കൊണ്ടായിരുന്നു പൂർണിമയുടെ ഇൻസ്റ്റഗ്രാം പോസ്റ്റ്.
കോവിഡ് കാലമായതിനാൽ വീട്ടിൽ കുടുംബാംഗങ്ങളോടൊപ്പമാണ് എല്ലാവരുടെയും ആഘോഷങ്ങൾ. ഒരുപാട് നാളുകൾക്ക് ശേഷം എല്ലാവരും ഒത്തുചേർന്നുള്ള ഓണാഘോഷത്തിന്റെ ചിത്രങ്ങളാണ് എല്ലാവരും സോഷ്യൽ മീഡിയയിലൂടെ ആരാധകരുമായി പങ്കുവെക്കുന്നത്