സൂര്യയെ നായകനാക്കി സുധ കൊങ്കര സംവിധാനം ചെയ്ത ചിത്രമായിരുന്നു ‘സൂരറൈ പോട്ര്’. കൊവിഡ് പശ്ചാത്തലത്തില് ഡയറക്ട് ഒടിടി റിലീസ് ആയെത്തി വലിയ പ്രേക്ഷകപ്രീതി നേടിയ തമിഴ് ചിത്രമായിരുന്നു ഇത് അപർണ ബാലമുരളിയായിരുന്നു നായികയായി എത്തിയത്. ഇപ്പോഴിതാ അന്താരാഷ്ട്ര ഫിലിം ഫെസ്റ്റിവലിലും നേട്ടം സ്വന്തമാക്കിയിരിക്കുകയാണ് ചിത്രം.
ആസ്ട്രേലിയയിലെ ഇന്ത്യന് ഫിലിം ഫെസ്റ്റിവല് ഓഫ് മെല്ബണില് ആണ് ചിത്രം നേട്ടം സ്വന്തമാക്കിയത്. മികച്ച ചിത്രത്തിനുള്ള പുരസ്ക്കാരവും മികച്ച നടനുള്ള പുരസ്ക്കാരവുമാണ് ചിത്രം സ്വന്തമാക്കിയത്. സൂര്യയുടെ തന്നെ നിര്മാണ കമ്പനിയായ 2 ഡി എന്റര്ടെയിന്മെന്റും സിഖ്യ എന്റര്ടെയിന്മെന്റ്സും ചേര്ന്നാണ് ചിത്രം നിര്മ്മച്ചത്
ആഭ്യന്തര വിമാന സര്വ്വീസ് ആയ എയര് ഡെക്കാണിന്റെ സ്ഥാപകന് ജി ആര് ഗോപിനാഥിന്റെ ജീവിതത്തെ ആസ്പദമാക്കിയുള്ളതാണ് സൂരറൈ പൊട്ര്. ‘ബൊമ്മി’ എന്ന കഥാപാത്രത്തെയാണ് അപര്ണ ബാലമുരളി അവതരിപ്പിച്ചത്. ഏറെക്കാലത്തിനുശേഷം പ്രേക്ഷകര് ഏറ്റെടുത്ത സൂര്യ ചിത്രമായി മാറിയിരുന്നു സൂരറൈ പോട്ര്. ഉര്വ്വശിയും ചിത്രത്തില് ഒരു പ്രധാന കഥാപാത്രത്തെ അവതരിപ്പിച്ചിരുന്നു.