നായികയായും സഹനടിയായുമെല്ലാം തിളങ്ങിയ താരമാണ് ഉര്‍വ്വശി. വര്‍ഷങ്ങള്‍ നീണ്ട കരിയറില്‍ നിരവധി ശ്രദ്ധേയ സിനിമകളിലാണ് അഭിനയിച്ചത്. പുത്തം പുത്തുകാലൈ, സുരരൈ പോട്രു, മൂക്കുത്തി അമ്മന്‍ എന്നിവയാണ് താരത്തിന്റേതായി അവസാനം പുറത്തിറങ്ങിയ ചിത്രങ്ങൾ. ഇപ്പോഴിതാ ചെന്നെയിലെ വീടും പരിസരവും പരിചയപ്പെടുത്തുന്ന ഉർവ്വശിയുടെ വീഡിയോ ആണ് ശ്രദ്ധനേടുന്നത്.
മാവ്, പ്ലാവ്, മാതളം, നെല്ലിക്ക, നാരകം, പേരക്ക, പപ്പായ തുടങ്ങിയ നിരവധി ഫലവൃഷാദികൾ വീട്ടിൽ ഉർവ്വശി നട്ടുവളർത്തിയിട്ടുണ്ട്. വീട്ടാവശ്യത്തിന് വേണ്ടിയുള്ള പച്ചക്കറികൾ നട്ടുവളർത്താറുണ്ടെന്നും താരം വീഡിയോയിൽ പറയുന്നു.
സ്ഥലമില്ലെന്നു കരുതി ആരും പച്ചക്കറികൾ നട്ടുവളർത്താതിരിക്കരുതെന്നും പ്ലാസ്റ്റിക് കവറിലോ പഴയ പാത്രമോ പ്ലാസ്റ്റിക് ബോട്ടിലോ പോലുള്ളവയിൽ അവ നടാണമെന്നും ഉർവ്വശി പറയുന്നു. തമിഴ് ചാനൽ പരിപാടിയിലാണ് ഉർവ്വശി തന്റെ വീട് പരിയചപ്പെടുത്തിയത്. ഉര്‍വ്വശിയുടെ തമിഴ് ഒരുരക്ഷയും ഇല്ലെന്നാണ് മലയാളികളായ ആരാധകര്‍ വീഡിയോയ്ക്ക് താഴെ കമന്‍റ് ചെയ്യുന്നത്. താരം മലയാളം സംസാരിക്കുന്നതാണ് തങ്ങള്‍ക്ക് ഇഷ്ടമെന്ന് പറയുന്നവരും ഇക്കൂട്ടത്തിലുണ്ട്.