കേരളത്തില് വീണ്ടും അധികാരത്തിലെത്തിയിരിക്കുകയാണ് പിണറായി സർക്കാർ. ജനങ്ങളെ കരുതലോടെ നയിച്ചതിന് കേരളം അറിയിക്കുന്ന സ്നേഹവും നന്ദിയുമാണ് ഈ വിജയം എന്നാണ് നടി മാല പാര്വതി ഫെയ്സ്ബുക്ക് പോസ്റ്റിസ്റ്റിൽ പറയുന്നത്
”കരുതലോടെ നയിച്ചതിന് കേരളം നന്ദിയും സ്നേഹവും അറിയിക്കുന്നു എന്ന് വിധി!” എന്നാണ് മാല പാര്വതി കുറിച്ചിരിക്കുന്നത്. തൃത്താല മണ്ഡലത്തില് വിജയിച്ച എം.ബി രാജേഷിന് വിജയാശംസകള് നേര്ന്നും മാല പാര്വതി പോസ്റ്റ് പങ്കുവച്ചിട്ടുണ്ട്.
ഹരീഷ് പേരടി അടക്കമുള്ള മറ്റ് താരങ്ങളും പിണറായി വിജയന് ആശംസകളുമായി രംഗത്തെത്തി. ഈ മനുഷ്യനാണ് തങ്ങളുടെ കരുത്ത്, ഇതൊരു മുഖ്യമന്ത്രി മാത്രമല്ല… ഇങ്ങനെയായിരിക്കണം നമ്മള് സ്വപ്നം കണേണ്ട പ്രധാനമന്ത്രി എന്നാണ് ഹരീഷ് പേരടി ഫെയ്സ്ബുക്കില് കുറിച്ചത്.