മലയാളത്തിന്റെ പ്രിയപ്പെട്ട സെലിബ്രിറ്റി ദമ്പതികളാണ് നടി ജ്യോതിർമയിയും സംവിധായകനും സിനിമാറ്റോഗ്രാഫറുമായ അമൽ നീരദും. കുറച്ചുകാലമായി ജ്യോതിർമയി അഭിനയത്തിൽ സജീവമല്ലെങ്കിലും അണിയറയിൽ അമലിന് പൂർണപിന്തുണയുമായി താരം ഒപ്പം തന്നെയുണ്ട്.
അടുത്തിടെ മമ്മൂട്ടിയെ നായകനാക്കി അമല്‍ സംവിധാനം ചെയ്യുന്ന പുതിയ ചിത്രം ‘ഭീഷ്‍മപര്‍വ്വം’ എന്ന ചിത്രത്തിന്റെ ലൊക്കേഷനിൽ നിന്നുള്ള ജ്യോതിർമയിയുടെ ചിത്രങ്ങൾ ശ്രദ്ധ നേടിയിരുന്നു. നസ്രിയയും ജ്യോതിർമയിയും ചേർന്നാണ് അന്ന് ചിത്രത്തിന് കൈയടിക്കുകയുണ്ടായത്.
ഇപ്പോഴിതാ, അമൽ നീരദിന്റെയും ജ്യോതിർമയിയുടെയും പുതിയ വീടിന്റെ ചിത്രങ്ങളാണ് ശ്രദ്ധ കവരുന്നത്. ഫ്രഞ്ച് ആർക്കിടെക്ചർ ശൈലിയിലാണ് ഇരുവരുടെയും വീടൊരുക്കിയിരിക്കുന്നത്.
പൊതുവേ സമൂഹമാധ്യമങ്ങളിൽ അത്ര സജീവമല്ലാത്ത രണ്ടുപേരാണ് അമലും ജ്യോതിർമയിയും. ലോക്ക്ഡൗൺ കാലത്ത് ജ്യോതിർമയിയുടെ തലമൊട്ടയടിച്ച ഒരു ചിത്രം അമൽ ഇൻസ്റ്റഗ്രാമിൽ പങ്കുവച്ചിരുന്നു. തമസോമ ജ്യോതിർഗമയ എന്നാണ് ചിത്രത്തിന് അമൽ നീരദ് നൽകിയ അടിക്കുറിപ്പ്.
2015 ഏപ്രിലിൽ ആയിരുന്നു അമൽനീരദും ജ്യോതിർമയിയും തമ്മിലുള്ള വിവാഹം. വീട്ടുകാരുടെയും അടുത്ത സുഹൃത്തുക്കളുടെയും സാന്നിധ്യത്തിൽ ലളിതമായ ചടങ്ങുകളോടെയായിരുന്നു ഇരുവരുടെയും വിവാഹം.
about jyothirmay