മലയാള മിനിസ്‌ക്രീന്‍ പ്രേക്ഷകരുടെ പ്രിയ താര ദമ്പതിമാർ ആണ് സജിനും ഷഫ്‌നയും. കഴിഞ്ഞ ദിവസം മനോഹരമായ ഒരു തുടക്കം എന്ന് ഷഫ്‌ന കുറിച്ചതോടെ ഇരുവർക്കും ജീവിതത്തിൽ പുതിയ അതിഥി എത്താൻ പോകുന്ന മട്ടിൽ ചില റിപ്പോർട്ടുകൾ പുറത്തുവന്നിരുന്നു. ഈ വർത്തയേയും ആരാധകർ ആഘോഷമാക്കിയിരുന്നു. എന്നാൽ അതിന്റെ പിന്നിലെ യാഥാർഥ്യത്തെ കുറിച്ച് പറയുകയാണ് ഷഫ്‌ന ഇപ്പോൾ.
സോഷ്യൽ മീഡിയ വഴിയാണ് ഷഫ്‌ന പ്രതികരിച്ചിരിക്കുന്നത്. ‘ഞാൻ നേരത്തെ സൂചിപ്പിച്ച മനോഹരമായ തുടക്കം ഞങ്ങളുടെ പുതിയ യാത്രയായിരുന്നു. കൊവിഡും ടൈറ്റ് ഷെഡ്യൂളും കാരണം 1 വർഷത്തെ നീണ്ട കാത്തിരിപ്പിന് ശേഷം കഴിഞ്ഞ മാസം ആണ് ഞങ്ങളുടെ യാത്ര നടക്കുന്നത്. ചെറിയ യാത്രകൾ പോലും ഞങ്ങളെ ഒരുപാട് സന്തോഷത്തിൽ എത്തിക്കാറുണ്ട്’, എന്നാണ് ഷഫ്‌ന സോഷ്യൽ മീഡിയ വഴി പ്രതികരിച്ചത്.
മുൻപ് ഞങ്ങൾക്ക് അനുവദിച്ച ഒരു അഭിമുഖത്തിൽ ഭാര്യയെക്കുറിച്ച് സജിൻ വാചാലൻ ആയിരുന്നു.
സജിന്റെ വാക്കുകൾ!
ഞാന്‍ പൂര്‍ണ്ണ തൃപ്തന്‍ ആണ്. ഞാന്‍ ഒന്ന് നോക്കിയാല്‍ തന്നെ ഷഫ്‌നയ്ക്ക് എല്ലാ കാര്യങ്ങളും മനസിലാകും. എന്റെ മുഖം കണ്ടാല്‍, എനിക്ക് എന്തെങ്കിലും പ്രശ്‌നങ്ങള്‍ വന്നാല്‍ അവള്‍ക്കത് മനസിലാകും. ഞാന്‍ ഒന്നും ചെയ്യേണ്ടതില്ല. എല്ലാം അവള്‍ എനിക്ക് വേണ്ടി ചെയ്തു വച്ചിട്ടുണ്ടാകും.
ശരിക്കും ഞങ്ങള്‍ കൂട്ടുകാരെ പോലെയാണ്. ഒരുമിച്ചു യാത്രകള്‍ പോകാറുണ്ട്. എല്ലാത്തിനും എന്റെ ഒപ്പം നില്‍ക്കുന്ന ഒരു നല്ല സുഹൃത്ത് കൂടിയാണ് എന്റെ ഭാര്യ. ഇതുവരെ ഞങ്ങള്‍ക്ക് മക്കളില്ലെന്ന കാര്യം കൂടി സജിന്‍ മുൻപ് ഞങ്ങളോട് വ്യക്തമാക്കിയിരുന്നു.