മലയാളികളുടെ പ്രിയ നടനാണ് കൃഷ്ണകുമാർ. ‘കൂടെവിടെ’ എന്ന പരമ്പരയിലൂടെയാണ് കൃഷ്ണകുമാർ മിനിസ്ക്രീനിലേക്ക് ഇപ്പോൾ ഒരു തിരിച്ചുവരവ് നടത്തിയത്. ജനുവരി 4 മുതൽ ആണ് പരമ്പര പ്രേക്ഷകരിലേക്ക് എത്തിയത്. സൂര്യ എന്ന പെൺകുട്ടിയുടെ സാഹസികമായ ജീവിതകഥ വരച്ചു കാട്ടുന്ന പരമ്പരയാണിത് .ഇപ്പോൾ ഇതാ പരമ്പരയുടെ പുതിയ വിശേഷങ്ങൾ ആണ് വൈറൽ ആകുന്നത്. കൃഷ്ണകുമാർ ആണ് സോഷ്യൽ മീഡിയ വഴി വിശേഷങ്ങൾ പങ്ക് വച്ചത്.
കൃഷ്ണകുമാറിന്റെ വാക്കുകൾ!
ഏഷ്യാനെറ്റിൽ തിങ്കൾ മുതൽ വെള്ളി വരെ ടെലികാസ്റ് ചെയ്തുകൊണ്ടിരിക്കുന്ന എന്റെ സീരിയലായ “കൂടെവിടെ” ഹിറ്റിൽ നിന്നും സൂപ്പർ ഹിറ്റിലേക്കു. “കൂടെവിടെ”യെ ഒരു വൻ വിജയമാക്കാൻ സഹായിച്ച എന്റെ പ്രിയങ്കരരായ മലയാളി കുടുംബ പ്രേക്ഷകരോട് എന്റെയും എന്റെ കുടുംബത്തിന്റെയും അകമഴിഞ്ഞ നന്ദി.
കബനി സീരിയലിൽ രംഭ എന്ന കഥാപാത്രത്തിലൂടെ ശ്രദ്ധ നേടിയ അൻഷിതയാണ് പരമ്പരയിൽ കേന്ദ്ര കഥാപാത്രമായ സൂര്യയെ അവതരിപ്പിക്കുന്നത്. അൻഷിതയുടെ നായകനായി എത്തുന്നത്, സീത സീരിയലിൽ രാമൻ എന്ന കഥാപാത്രത്തിലൂടെ പ്രേക്ഷകർക്ക് പ്രിയങ്കരനായ ബിപിൻ ജോസ് ആണ്. ടെലിവിഷൻ അവതാരകയായ ശ്രീധന്യ അഭിനയരംഗത്തിലേക്ക് എത്തിയതും ഈ പരമ്പരയിലൂടെയാണ്.