മലയാള സിനിമയിൽ എന്നും അഭിമാനത്തോടെ പറയാൻ സാധിക്കുന്ന നായകനാണ് മുരളി. മുരളിയുടെ കഥാപാത്രങ്ങൾ എല്ലാം അദ്ദേഹത്തിന്റെ കയ്യിൽ ഭദ്രമായിരുന്നു. വ്യത്യസ്തമായ കഥാപാത്രങ്ങളുമായി മുന്നേറുന്നതിനിടയിലായിരുന്നു അപ്രതീക്ഷിതമായ വിയോഗം.
സിനിമാ മേഖലയിൽ എല്ലാവരോടും വളരെയടുത്ത സൗഹൃദം സൂക്ഷിക്കാൻ മുരളിയ്ക്ക് സാധിച്ചു. അക്കൂട്ടത്തിൽ മുരളിയുമായി അടുത്ത സൗഹൃദം സൂക്ഷിച്ചിരുന്നയാളാണ് മമ്മൂട്ടി. സിനിമയ്ക്കപ്പുറത്ത് ജീവിതത്തിലും ആ ബന്ധം ഇരുവരും നിലനിര്‍ത്തിയിരുന്നു. മുരളിയോടുള്ള സൗഹൃദത്തെക്കുറിച്ച് മമ്മൂട്ടി നിരവധി തവണ തുറന്നുപറഞ്ഞിട്ടുണ്ട്.
സൗഹൃദത്തിനിടയില്‍ ചില തെറ്റിദ്ധാരണകള്‍ കടന്നുവന്നതും മുരളി പിണങ്ങിയതും ഇപ്പോഴും വേദനയുളവാക്കുന്ന കാര്യമാണെന്നും മമ്മൂട്ടി പറഞ്ഞിരുന്നു. മുരളിയെക്കുറിച്ച് പറഞ്ഞുള്ള മമ്മൂട്ടിയുടെ വാക്കുകള്‍ ഇപ്പോഴും വൈറലായിക്കൊണ്ടിരിക്കുകയാണ്.
താരത്തിന്റെ വാക്കുകളോ വായിക്കാം…”ഞാനും മുരളിയും അഭിനയിച്ച സിനിമകള്‍ നോക്കിയാലറിയാം. ഒരു ഇമോഷണല്‍ ലോക്കുണ്ട് ഞങ്ങള്‍ തമ്മില്‍. സിനിമയില്‍ സുഹൃത്തുക്കളായാലും ശത്രുക്കളായാലും ഇമോഷണല്‍ ലോക്കുണ്ട്. അമരത്തിലുണ്ട്. ഇന്‍സ്‌പെക്ടര്‍ ബല്‍റാമിലുമുണ്ട്. അത്രത്തോളം വികാരപരമായി അഭിനയിച്ചവരാണ് ഞങ്ങള്‍. ആര്‍ക്കും മദ്യസേവ നടത്താത്ത ആളാണ് ഞാന്‍. ആരെങ്കിലും മദ്യപിച്ച ബില്ല് ഞാന്‍ കൊടുത്തിട്ടുണ്ടെങ്കില്‍ അത് മുരളിയുടേതായിരിക്കുമെന്നും മമ്മൂട്ടി പറഞ്ഞിരുന്നു.
പെട്ടെന്നൊരു സുപ്രഭാതത്തിലാണ് മുരളിക്ക് ഞാന്‍ ശത്രുവായത്. പിന്നെ അകന്ന് പോയി. ഭയങ്കരമായിട്ട് എനിക്ക് മിസ് ചെയ്യുന്നുണ്ട്. എന്താണെന്നറിയാത്തൊരു വ്യഥയുണ്ട് മനസില്‍. ഞാനൊന്നും ചെയ്തിട്ടില്ല. പിണങ്ങാനും മാത്രം ഞാനെന്തെങ്കിലും ചെയ്‌തെന്ന് പുള്ളിക്കും അഭിപ്രായമുണ്ടാവില്ലെന്ന് പറഞ്ഞ് വികാരഭരിതനാവുന്ന മമ്മൂട്ടിയുടെ വീഡിയോ സോഷ്യല്‍മീഡിയയിലൂടെ വൈറലായിരുന്നു.
മുരളിയുടെ മകളുടെ വിവാഹത്തിന് ഞാന്‍ പോയിരുന്നു. കാര്‍ത്തികയെ ഞാന്‍ അനുഗ്രഹിച്ചിരുന്നു. വിവാഹം തികച്ചും ലളിതമായി, സ്വകാര്യ ചടങ്ങായാണ് നടത്തുന്നതെന്ന് അറിഞ്ഞതിനാല്‍ നേരത്തെ പോയി കാണുകയായിരുന്നുവെന്നും മമ്മൂട്ടി പറഞ്ഞിരുന്നു. മുരളിയുടെ മകള്‍ക്കൊപ്പം നില്‍ക്കുന്ന മമ്മൂട്ടിയുടെ ഫോട്ടോ സോഷ്യല്‍മീഡിയയിലൂടെ വൈറലായിരുന്നു.
സൗഹൃദത്തിന് അങ്ങേയറ്റത്തെ പ്രാധാന്യം നല്‍കുന്നയാളാണ് മമ്മൂട്ടി. പരുക്കനാണ്, ദേഷ്യക്കാരനാണെന്നൊക്കെയാണ് പലരും അദ്ദേഹത്തെക്കുറിച്ച് പറയാറുള്ളതെങ്കിലും അടുത്തറിയുമ്പോള്‍ അത് മാറുമെന്നാണ് പ്രിയപ്പെട്ടവരെല്ലാം പറഞ്ഞത്. തിരക്കുകള്‍ക്കിടയിലും സുഹൃത്തുക്കളേയും കുടുംബത്തേയും ചേര്‍ത്തുപിടിച്ച് മുന്നേറുന്നയാളാണ് അദ്ദേഹം.
about murali and mammootty