ഗായിക അമൃത സുരേഷും സംഗീത സംവിധായകൻ ഗോപി സുന്ദറും അവരുടെ പ്രണയം പരസ്യമാക്കിയത് അടുത്തിടെയായിരുന്നു. പിന്നീട് ഇരുവരുടേയും വിശേഷങ്ങൾ അറിയാൻ ആരാധകർക്ക് പ്രത്യേക താല്പര്യമാണ്.
രണ്ട് വര്ഷം മുന്പ് ഗോപി സുന്ദര് നല്കിയ ഒരു അഭിമുഖമാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. അഭിമുഖം ചെയ്യുന്നത് ഗോപി സുന്ദറിന്റെ ഇപ്പോഴത്തെ ജീവിത പങ്കാളി അമൃത സുരേഷിന്റെ, മുന് ഭര്ത്താവ് ബാല!! അന്ന് പ്രണയത്തെ കുറിച്ചും അഭയ ഹിരണ് മയിയെ കുറിച്ചും എല്ലാം ഗോപി സുന്ദര് സംസാരിക്കുന്നത് ആണ് ഇപ്പോള് പ്രേക്ഷകര് ഏറ്റെടുത്തിരിയ്ക്കുന്നത്.
2020 ല് ആണ് അഭിമുഖം നടക്കുന്നത്. ആ കാലത്ത് ബാല യൂട്യൂബില് വളരെ അധികം സജീവമായിരുന്നു. നവ്യ നായര്, മമ്ത മോഹന്ദാസ്, ടൊവിനോ തുടങ്ങി നിരവധി പേര്ക്കൊപ്പം അഭിമുഖം ചെയ്യുന്ന വീഡിയോ ചാനലില് അപ് ലോഡ് ചെയ്തിട്ടുണ്ട്. അതിലൊരു അഭിമുഖമായിരുന്നു ഗോപി സുന്ദറിനൊപ്പം.
വളരെ നല്ല സൗഹൃദത്തോടെയാണ് ഇരുവരും അഭിമുഖത്തില് സംസാരിക്കുന്നത്. പരസ്പരം രണ്ട് പേരും അങ്ങോട്ടും ഇങ്ങോട്ടും പ്രശംസിയ്ക്കുന്നത്. ബാല ഗോപി സുന്ദറിന്റെ പാട്ടുകളെ കുറിച്ച് സംസാരിക്കുമ്പോള് ബാല എന്ന സൂപ്പര്സ്റ്റാറിനെ കുറിച്ചാണ് ഗോപി സുന്ദര് പറയുന്നത്.
അഭിമുഖത്തില് ഒരിടത്ത് ബാല ബാച്ചിലറാണോ എന്ന് ചോദിയ്ക്കുന്നു. വിവാഹ ബന്ധത്തിലല്ല, പക്ഷെ അഭയ ഹിരണ്മയിക്കൊപ്പം ലിവിങ് റിലേഷനിലാണ് എന്ന് പറഞ്ഞ ഗോപി സുന്ദര്, കൈ തണ്ടയില് പ്രണയിനിയുടെ പേര് പച്ച കുത്തിയതും കാണിക്കുന്നുണ്ട്. അത്ര നല്ല പ്രണയം ഉള്ളില് സൂക്ഷിക്കുന്ന ആള്ക്ക് മാത്രമേ ഇത്രയും നന്നായി പ്രണയ ഗാനങ്ങള് ചിട്ടപ്പെടുത്താന് കഴിയൂ എന്നാണ് അപ്പോള് ബാലയുടെ കമന്റ്.
വ്യക്തി ജീവിതത്തില് തങ്ങളെ കുറിച്ച് വരുന്ന വാര്ത്തകളെ കുറിച്ചും ബാലയും ഗോപി സുന്ദറും സംസാരിക്കുന്നുണ്ട്. നമ്മളെ കുറിച്ച് ഒന്നും അറിയാത്തവര് പലതും പറഞ്ഞ് പരത്തും. സോഷ്യല് മീഡിയയില് എന്തെങ്കിലും പോസ്റ്റ് ചെയ്യുന്നതിന് മുന്പ് ആലോചിക്കണം. പിന്നെ അതിന് വരുന്ന തെറികളെ കുറിച്ച് ആലോചിച്ചിട്ട് കാര്യമില്ല. എന്റെ വീടിന് അകത്ത് നടക്കുന്ന കാര്യങ്ങള് അറിയാനാണ് പലര്ക്കും താത്പര്യം- ഗോപി സുന്ദര് പറഞ്ഞു.