സുകേഷ് ചന്ദ്രശേഖര് ഉള്പ്പെട്ട 200 കോടി രൂപയുടെ കള്ളപ്പണം വെളുപ്പിക്കല് കേസുമായി ബന്ധപ്പെട്ട് ബോളിവുഡ് നടി ജാക്വിലിന് ഫെര്ണാണ്ടസിന് വീണ്ടും സമന്സ്. ഡല്ഹി പൊലീസിന്റെ സാമ്പത്തിക കുറ്റകൃത്യ വിഭാഗം (ഇ.ഒ.ഡബ്ല്യു) ആണ് ചോദ്യംചെയ്യലിന് ഹാജരാകാന് സമന്സ് അയച്ചത്.
തിങ്കളാഴ്ച രാവിലെ 11ന് മന്ദിര്മാര്ഗിലെ ഇ.ഒ.ഡബ്ല്യു ഓഫിസില് ഹാജരാകണം. കേസില് ഇത് രണ്ടാംതവണയാണ് ഡല്ഹി പൊലീസ് ജാക്വിലിനെ ചോദ്യംചെയ്യാന് വിളിപ്പിക്കുന്നത്.
കഴിഞ്ഞ ബുധനാഴ്ച നടിയെ സുകേഷിന് പരിചയപ്പെടുത്തിയതായി കരുതുന്ന പിങ്കി ഇറാനിയോടൊപ്പം ജാക്വിലിനെ എട്ട് മണിക്കൂറിലധികം ചോദ്യംചെയ്തിരുന്നു. കേസില് ജാക്വിലിനെ പ്രതിയാക്കി ഇ.ഡി ആഗസ്റ്റ് 17നാണ് കുറ്റപത്രം സമര്പ്പിച്ചത്.