മലയാളം ടെലിവിഷനിൽ മിക്ക ഹാസ്യ പരിപാടികളിലും പെൺവേഷം കെട്ടി തമാശകൾ കാണിക്കുന്ന ആണുങ്ങൾ ഉണ്ടാകാറുണ്ട്. വേഷം കെട്ടുന്നതിൽ തെറ്റില്ല. എന്നാൽ സ്ത്രീ വേഷം കെട്ടിയ ശേഷം അവർ കാണിക്കുന്നത് പലതും സ്ത്രീ വിരുദ്ധത ആകാറുണ്ട്.
കോമഡിയ്ക്ക് വേണ്ടി സ്ത്രീ വേഷം കെട്ടിയ ഒരുപാട് പേര്‍ സിനിമാ രംഗത്ത് ഉണ്ട്. ടെലിവിഷന്‍ ലോകത്ത് പ്രേക്ഷകരെ ചിരിപ്പിയ്ക്കാനും ചിന്തിപ്പിയ്ക്കാനും സ്ത്രീ വേഷം കെട്ടിയ ചില നടന്മാരും ഉണ്ടായിട്ടുണ്ട്. അടുത്ത കാലത്ത് ടെലിവിഷന്‍ പ്രേമികളെ ഏറെ ചിരിപ്പിച്ച സ്ത്രീവേഷമാണ് റിയാസ് സലീമിന്റേത്. ബിഗ്ഗ് ബോസ് ഷോയില്‍ വച്ച് ലക്ഷ്മി പ്രിയയെ അനുകരിച്ച് റിയാസ് സലീം പെണ്‍ വേഷം കെട്ടിയപ്പോള്‍ ചിരക്കാത്ത മലയാളികളില്ല.
അത്തരത്തിൽ മറ്റൊന്ന്, ബിഗ്ഗ് ബോസ് റിയാലിറ്റി ഷോയിലൂടെ ശ്രദ്ധേയനായ താരമാണ് ഫിറോസ് ഖാന്‍. ഹിറ്റ്‌ലര്‍ എന്ന തന്റെ ടെലിവിഷന്‍ പരമ്പരയിലെ കഥാപാത്രത്തിന് വേണ്ടിയാണ് താരം പെണ്‍ വേഷം കെട്ടിയത്. പെണ്‍ വേഷത്തില്‍ എത്തുക മാത്രമല്ല, ആ ഗെറ്റപ്പില്‍ ഡാന്‍സ് കളിച്ചും ഫിറോസ് പ്രേക്ഷകരെ ഞെട്ടിച്ചു.
നിരവധി സീരിയലുകളില്‍ ലുക്ക് കൊണ്ട് ആരാധികമാരുടെ ഹൃദയം കവര്‍ന്ന നടനാണ് അരുണ്‍ രാഘവ്. എന്നാല്‍ ചില ആരാധകന്മാരുടെയും മനസ്സ് ഇളക്കാന്‍ അരുണിന് സാധിച്ചിട്ടുണ്ട്. ഭാര്യ എന്ന സീരിയലിന് വേണ്ടിയാണ് അരുണ്‍ പെണ്‍ വേഷം കെട്ടിയത്. ശരത്ത് എന്ന കഥാപാത്രം യാമിനിയായി മാറുകയായിരുന്നു.
പെട്ടന്ന് ആര്‍ക്കും മനസ്സിലാവാന്‍ കഴിയാത്ത രൂപമാറ്റമായിരുന്നു അല്‍സാബിത്തിന്റേത്. ഉപ്പും മുളകും എന്ന സീരിയലിന് വേണ്ടിയാണ് അല്‍സാബിത്ത് പെണ്‍ വേഷം കെട്ടിയത്. ഒരു സുന്ദരികുട്ടി…. ഡ്രസ്സിങ് കൊണ്ടും ലുക്ക് കൊണ്ടും അല്‍സാബിത്ത് പ്രേക്ഷകരെ ശരിയ്ക്കും കൊതിപ്പിച്ചു.
മീനാക്ഷി കല്യാണം എന്ന സീരിയലിന് വേണ്ടിയാണ് രഞ്ജിത്ത് മേനോന്‍ പെണ്‍ വേഷം കെട്ടിയത്. താരത്തിന്റെ ഓണ്‍സ്‌ക്രീന്‍ ഭാര്യ അപ്‌സര തന്നെ രഞ്ജിത്ത് പെണ്‍വേഷം കെട്ടി എത്തി കയ്യടക്കിയ വീഡിയോ സോഷ്യല്‍ മീഡിയയിലൂടെ പങ്കുവച്ചിരുന്നു.
മലയാള സിനിമയിൽ മായാമോഹിനി ആയി ദിലീപ് എത്തിയതോടെയാണ് പെൺവേഷം കെട്ടുന്നത് ഒരു കലയായി എല്ലാവരും ഏറ്റെടുത്തു തുടങ്ങിയത്… ഇപ്പോൾ ധാരാളമായി പെൺവേഷം കെട്ടുന്ന താരങ്ങൾ രംഗത്തുവരാറുണ്ട്.
about tv shows