നിരവധി ചിത്രത്തിലൂടെ മലയാളികള്‍ക്ക് സുപരിചിതനായ നടനാണ് കൊച്ചുപ്രേമന്‍. ഇപ്പോഴിതാ ഒരു മാധ്യമത്തിന് നല്‍കിയ അഭിമുഖത്തില്‍ തന്റെ ജീവിതം മാറ്റിയ സിനിമ ഡയലോഗിനെക്കുറിച്ച് തുറന്ന് പറഞ്ഞിരിക്കുകയാണ് കൊച്ചുപ്രേമന്‍. അദ്ദേഹത്തിന്റെ വാക്കുകള്‍ സോഷ്യല്‍ മീഡിയയില്‍ വൈറലായിട്ടുണ്ട്.
രാജസേനന്‍ സിനിമയിലൂടെ അഭിനയത്തിലേയ്ക്ക് എത്തിയ വ്യക്തിയാണ് താന്‍. എങ്കിലും സിനിമ നടന്‍ എന്ന ലേബലില്‍ തന്നെ എത്തിച്ചത് സത്യന്‍ അന്തിക്കാടിന്റെ ചിത്രം ഇരട്ടക്കുട്ടികളുടെ അച്ഛനാണ്. പിന്നിട് താനെത്തുന്ന ചിത്രമായിരുന്നു ദിലീപ് നായകാനായെത്തിയ ജയരാജ് ചിത്രം തിളക്കം.
ചിത്രത്തില്‍ വെളിച്ചപ്പാടിന്റെ റോളായിരുന്നു താന്‍ ചെയ്തത്. ആ കഥാപാത്രം ചെയ്യാന്‍ കുറെ പേര്‍ എത്തിയിരുന്നെങ്കിലും അവസാനം തന്നിലേയ്ക്ക് എത്തുകയായിരുന്നു. ഷൂട്ടിങ്ങിന്റെ അന്ന് രാവിലെ അദ്ദേഹം തന്നോട് വെളിച്ചപ്പാടിന്റെ വേഷം ധരിച്ച് ഒരു ചിത്രമെടുക്കാന്‍ ആവശ്യപ്പെടുകയായിരുന്നു.
അങ്ങനെയാണ് താന്‍ വെളിച്ചപ്പാടായത്. ‘ചിത്രത്തിലെ പട്ടിയുണ്ട് സൂക്ഷിക്കുക’ എന്ന ഡയലോഗ് ആളുകള്‍ ഏറ്റെടുത്തതോടെ താന്‍ കൂടുതല്‍ ഫേമസായെന്നും അദ്ദേഹം പറഞ്ഞു. ആ ഒറ്റ ഡയലോഗ് കൊണ്ട് ജീവിതം രക്ഷപ്പെട്ട വ്യക്തിയാണ് താനെന്നും അദ്ദേഹം കൂട്ടിച്ചേര്‍ത്തു.