പാര്‍ലമെന്റില്‍ നിന്നുള്ള എംപിമാരുടെ ചിത്രങ്ങള്‍ പങ്കുവെച്ച് ഹരീഷ് പേരടി. രാഹുല്‍ഗാന്ധി, കനിമൊഴി, കെസി വേണുഗോപാല്‍, എംകെ രാഘവന്‍, ഗൗരവ് ഗോഗോയ്, എ എം ആരിഫ്, എ എ റഹിം, എം ബി രാജേഷ് എന്നിവര്‍ ഒരുമിച്ചു നില്‍ക്കുന്ന ചിത്രമാണ് നടന്‍ പങ്കുവെച്ചത്.
സോഷ്യല്‍ മീഡിയയില്‍ പങ്കിട്ട കുറിപ്പിങ്ങനെ;
മതവും രാഷ്ട്രീയവും അന്ധവിശ്വാസികള്‍ക്കുള്ളതല്ല ബുദ്ധിമാന്‍മാര്‍ക്കുള്ളതാണ് അന്ധവിശ്വാസികള്‍ രക്തസാക്ഷികളാവും..അതി ബുദ്ധിമാന്‍മാര്‍ അന്ധവിശ്വാസികളുടെയും രക്തസാക്ഷികളുടെയും തണലില്‍ ഇണ ചേര്‍ന്ന് ജീവിച്ചുകൊണ്ടിരിക്കും. വാഴ വെച്ചവനും പടക്കം എറിഞ്ഞവനും പരസ്പ്പരം പാര്‍ട്ടി ഓഫിസുകള്‍ തകര്‍ത്തവനും പൊതുമുതല്‍ നശിപ്പിച്ചവനും സുന്ദരമായ ജീവിതം നഷ്ടപ്പെടും..
ഈ ചിത്രം എല്ലാ അണികളും മനസ്സില്‍ സൂക്ഷിക്കുക..ഇനിയെങ്കിലും എല്ലാ പാര്‍ട്ടി അണികളും മത അണികളും പരസ്പ്പരം കെട്ടിപിടിക്കുക ഉമ്മ വെക്കുക..എന്നിട്ട് മനുഷ്യന്റെ രാഷ്ട്രിയം ഉറക്കെ പറയുക ജീവിതം ഒന്നേയുള്ളൂ..’