ബോയ്ക്കോട്ട് ആഹ്വാനങ്ങള് ഉണ്ടായെങ്കിലും ലാല് സിംഗ് ഛദ്ദയ്ക്കായുള്ള കാത്തിരിപ്പിലാണ് സിനിമാപ്രേമികള്. ഫോറസ്റ്റ് ഗംപിന്റെ റീമേക്ക് ലാല് സിംഗ് ഛദ്ദ. ഇപ്പോഴിതാ ഈ ചിത്രത്തെ കുറിച്ച് ആമിര് പറഞ്ഞ വാക്കുകളാണ് വൈറലായി മാറുന്നത്. ഇന്ത്യന് പ്രേക്ഷകര്ക്കിഷ്ടപ്പെടുന്ന രീതിയിലാണ് ഈ സിനിമ റീമേക്ക് ചെയ്തിരിക്കുന്നതെന്നാണ് ആമിര് ഖാന് പറയുന്നത്.
ഹോളിവുഡ് പതിപ്പിലുള്ള സെ ക്സ് സീനുകള് സിനിമയിലുള്പ്പെടുത്തിയിട്ടില്ലെന്ന് അണിയറ പ്രവര്ത്തകര് നേരത്തെ അറിയിച്ചിരുന്നു. ഇതിന്റെ കാരണവും ആമിര് ഖാന് വ്യക്തമാക്കുകയാണ്.
പ്രേക്ഷകര്ക്ക് മുഴുവന് കുടുംബത്തോടൊപ്പം വന്ന് കാണാന് പറ്റുന്ന രീതിയിലാണ് സിനിമ നിര്മ്മിച്ചിരിക്കുന്നതെന്നും അതിനാല് തന്നെ ഇത്തരം സീനുകള് സിനിമയില് നിന്ന് ഒഴിവാക്കുകയുമായിരുന്നെന്ന് ആമിര് പറഞ്ഞു.
ആമിര് ഖാന് പുറമെ കരീന കപൂര്, നാഗ ചൈതന്യ എന്നിവരാണ് സിനിമയിലെ മറ്റ് താരങ്ങള്. കോഫി വിത്ത് കരണിന്റെ പുതിയ എപ്പിസോഡിലും കരീനയും ആമിറും എത്തുന്നുണ്ട്. 2018 ലിറങ്ങിയ തഗ്സ് ഓഫ് ഹിന്ദുസ്ഥാനാണ് ആമിര് ഖാന്റെ അവസാനം റിലീസ് ചെയ്ത സിനിമ. വന് ബജറ്റില് ഒരുങ്ങിയ സിനിമ പക്ഷെ ബോക്സ് ഓഫീസില് പരാജയപ്പെട്ടു.