വ്യത്യസ്തമായ കഥാപാത്രങ്ങളിലൂടെ മിനിസ്‌ക്രീനിലും ബിഗ് സ്ക്രീനിലും ഒരു പോലെ ശ്രദ്ധ നേടിയ നടനാണ് സുധീര്‍ സുകുമാരന്‍. സ്‌ക്രീനില്‍ വില്ലത്തരം കാണിക്കാറുണ്ടെങ്കിലും ജീവിതത്തില്‍ ഹീറോയാണ് താനെന്ന് പെരുമാറ്റം കൊണ്ട് തെളിയിച്ച നടൻ.
മക്കളില്ലാത്ത ദമ്പതികള്‍ക്ക് ഭാര്യ അണ്ഡം ദാനം ചെയ്തതിനെക്കുറിച്ചും അതിന് ശേഷമുണ്ടായ കാര്യങ്ങളെക്കുറിച്ചും സുധീറും ഭാര്യയും നേരത്തെ തുറന്നുപറഞ്ഞിരുന്നു. താരദമ്പതികളുടെ സംസ്ഥാന സമ്മേളനത്തിന് എത്തിയപ്പോഴും സുധീറും പ്രിയയും ഇതേക്കുറിച്ച് സംസാരിച്ചിരുന്നു. ഇപ്പോൾ ഈ വിഷയം ആണ് വൈറലാകുന്നത്. അധികം മലയാളികൾ ചെയ്തിട്ടില്ലാത്ത ഒരു കാര്യമായതിനാൽ എല്ലാവര്ക്കും അറിയാനുള്ള താല്പര്യം ഏറെയാണ്.
“സിനിമയില്‍ നിങ്ങള്‍ വില്ലനാണെങ്കിലും ജീവിതത്തില്‍ നിങ്ങള്‍ ഹീറോയാണെന്ന് അവതാരകര്‍ സുധീറിനോട് പറഞ്ഞപ്പോഴാണ് സുധീർ പഴയ കാര്യങ്ങൾ ഓർത്തെടുത്തത്. “ഇതേപോലെ തന്നെയായാണ് അന്നവര്‍ കരഞ്ഞുകൊണ്ട് എന്നോട് പറഞ്ഞത്. സന്തോഷത്തിന് വേണ്ടിയാണ് അവരെ സഹായിച്ചത്. അവരുടെ ഐഡന്റിറ്റി ഞങ്ങളൊരിക്കലും പുറത്തുവിടില്ല. ആ കുട്ടിയെ കാണാനും ഞങ്ങള്‍ പോവില്ലെന്നും സുധീര്‍ വ്യക്തമാക്കിയിരുന്നു. മുൻപൊരു അഭിമുഖത്തിൽ പറഞ്ഞതിനാൽ വീണ്ടും ഇതേക്കുറിച്ച് പറയുന്നുവെന്ന് മാത്രം.
അകന്ന ബന്ധത്തിലുള്ള കുട്ടികളില്ലാത്ത ദമ്പതികള്‍ ചികിത്സയുടെ ഭാഗമായി കൊച്ചിയിലേക്ക് വന്നപ്പോള്‍ ഞങ്ങളുടെ വീട്ടിലേക്ക് വന്നിരുന്നു. സംസാരത്തിനിടയില്‍ ആരെങ്കിലും അണ്ഡം ഡൊണേറ്റ് ചെയ്യുകയാണെങ്കില്‍ ഞങ്ങള്‍ക്കൊരു കുഞ്ഞുണ്ടാവുമെന്ന് അവര്‍ പറയുന്നുണ്ടായിരുന്നു. ഒരാളെ കിട്ടിയിരുന്നേല്‍ നന്നായേനെ എന്ന് പറഞ്ഞപ്പോഴാണ് സുധീര്‍ പ്രിയ തരുമെന്ന് പറഞ്ഞത്. പ്രിയയും ആ തീരുമാനം ശരിവെക്കുകയായിരുന്നു.
“അണ്ഡം കൊടുക്കാന്‍ ഞാന്‍ റെഡിയായിരുന്നു. ആശുപത്രിയില്‍ പോയി അതിന്റെ കാര്യങ്ങള്‍ ചെയ്യുകയായിരുന്നു പിന്നീട്. ഹോര്‍മോണ്‍ ഇഞ്ചക്ഷനൊക്കെ എടുക്കേണ്ടി വന്നിരുന്നു. അതിന് ശേഷമായാണ് തടി വെച്ചത്. ഉറക്കം പോലും നഷ്ടമായിരുന്നു അന്ന്. വര്‍ക്കൗട്ടിലൂടെയായാണ് മെലിഞ്ഞത്. അവര്‍ക്കൊരു കുട്ടിയെ കിട്ടുകയാണെങ്കില്‍ കിട്ടട്ടെ എന്നായിരുന്നു അന്ന് ഞങ്ങള്‍ വിചാരിച്ചത്. ഒരു കുടുംബം പോലെയായാണ് അന്ന് ഞങ്ങള്‍ കഴിഞ്ഞതും.
കുഞ്ഞ് ജനിച്ചാല്‍ ഞങ്ങള്‍ക്ക് കാണണമെന്ന് തോന്നിയാല്‍ കാണാമെന്നായിരുന്നു അവര്‍ പറഞ്ഞത്. മൂന്ന് മാസം കഴിഞ്ഞപ്പോഴാണ് അവര്‍ ഇനി ഞങ്ങളെ കാണാന്‍ വരരുതെന്ന് പറഞ്ഞത്. അവരുടെ തന്നെ കുട്ടിയാണെന്നായിരുന്നു ബന്ധുക്കളൊക്കെ കരുതിയത്. അതുകൊണ്ട് ഞങ്ങള്‍ പോവുകയാണെന്ന് പറഞ്ഞ് അവര്‍ പോവുകയായിരുന്നു. ഫോണിലൊക്കെ ബ്ലോക്ക് ചെയ്തിരുന്നു.
ആ മോള്‍ക്കിപ്പോള്‍ 12 വയസ്സായി കാണും. ഏത് കുടുംബത്തിലുമുണ്ടാവില്ലേ കുറച്ച് നല്ല ആളുകള്‍. അതുപോലെ ചിലരുണ്ട്. അവളുടെ വളര്‍ച്ചയിലെ ചിത്രങ്ങളെല്ലാം അവര്‍ ഞങ്ങള്‍ക്ക് അയച്ച് തരാറുണ്ട്. അങ്ങനെ ഫോണിലൂടെയായി അവളെ കാണുന്നുണ്ട്.
മക്കളെക്കുറിച്ച് ചോദിച്ചപ്പോള്‍ രണ്ട് ആണ്‍കുട്ടികളുണ്ടെന്നും ഇതുവരെ കാണാത്ത ഒരു മകള്‍ കൂടിയുണ്ടെന്നുമായിരുന്നു സുധീര്‍ മുന്‍പ് പറഞ്ഞത്. എന്നാൽ ഈ കഥ ഓരോ തവണ സോഷ്യൽ മീഡിയയിൽ വൈറലാകുമ്പോഴും മലയാളികൾ ഒന്നടങ്കം ചർച്ച ചെയ്യാറുണ്ട്. അത്രത്തോളം അമ്പരപ്പിക്കുന്ന കാര്യങ്ങളാണ് സുധീറിന്റെ ജീവിതത്തിൽ നടന്നത്.
about sudheer