മലയാളികള്ക്കേറെ പ്രിയങ്കരനായ സംവിധായകനാണ് ഷാജി കൈലാസ്. ഇപ്പോഴിതാ ഒരു അഭിമുഖത്തില് അദ്ദേഹം പറഞ്ഞ വാക്കുകളാണ് സോഷ്യല് മീഡിയയില് വൈറലായി മാറിയിരിക്കുന്നത്. തന്റെ സിനിമയും ഭക്ഷണവും തമ്മിലുള്ള ബന്ധത്തെ കുറിച്ചാണ് ഷാജി കൈലാസ് പറയുന്നത്.
ഏറ്റവും ഇഷ്ടപ്പെട്ടത് മാറ്റിവെച്ചാല് മാത്രമേ ചെയ്യുന്ന സിനിമ വിജയിക്കൂ എന്നാണ് അദ്ദേഹം പറയുന്നത്. പുതിയ രുചികള് പരീക്ഷിക്കാന് താല്പര്യമുള്ള വ്യക്തിയാണ് താന് അതുകൊണ്ടു തന്നെ അവ അന്വേഷിച്ച് പോകുകയും ചെയ്യും.
നോണ്വെജാണ് തനിക്ക് കൂടുതല് ഇഷ്ടം. പക്ഷേ സിനിമയുടെ ഷൂട്ടിങ്ങിന് മുമ്പ് മാത്രമേ അത് കഴിക്കു. കഴിക്കാന് തോന്നുന്നതെല്ലാം ആ സമയത്ത് കഴിക്കും. ഷൂട്ടിങ്ങ് തുടങ്ങിക്കഴിഞ്ഞാല് താന് വെജിറ്റേറിയനാണ്. പിന്നെ ഷൂട്ടിങ്ങ് കഴിയുന്നത് വരെ നോണ്വെജ് കഴിക്കില്ല. അത് ശീലമാണ്.
അത് വിട്ടുപോയിട്ടുള്ളപ്പോഴൊക്കെ ആ സിനിമകളും പരാജയപ്പെട്ടിട്ടുണ്ട്. അതുകൊണ്ട് തന്നെ ഇഷ്ടമുള്ളതെല്ലാം ആ സമയത്ത് വേണ്ടെന്ന് വെയ്ക്കുെന്നും അദ്ദേഹം പറഞ്ഞു. വീണ്ടും താന് സിനിമയിലേയ്ക്ക് എത്തിയപ്പോള് ലഭിച്ച ജിനുവിനും അതേ സ്വഭാവമാണ്. ഞങ്ങള് ഒന്നിച്ചാണ് ഇപ്പോള് പുതുരുചികള് തേടി പോകാറുള്ളതെന്നും അദ്ദേഹം പറഞ്ഞു.